Ўзбекистон Миллий хавфсизлик хизмати давлат органлари ходимлари томонидан ўз лавозим ваколатларини суиистеъмол қилиш ҳолатларини аниқлаш ва уларга барҳам бериш бўйича ишларни давом эттирмоқда.
Ушбу иш доирасида тезкор ходимлар «Сирдарёкўмиретказувчи» унитар корхонасининг Боёвут туман базаси мудири 40 ёшли Дониёр Сайфутдинов Сирдарё вилоятига олиб келинувчи ва болалар боғчалари, мактаблар, ўрта махсус таълим муассасалари ҳамда шифорхоналар учун кузги-қишки мавсумга мўлжалланган кўмирни доимий равишда ўғирлаш билан шуғулланиб келгани ҳақида маълумотни олишди.
«Сайфутдинов тахминан 65 тонна келувчи бир вагон кўмирни Боёвут туманида истиқомат қилувчи шахсга 16 миллион сўмга сотмоқчи бўлган. У пулларни кўмир базадан харидорнинг яшаш жойига етказиб берилганидан сўнг олиши керак эди», - дея таъкидлаб ўтди МХХ вакили.
МХХнинг Сирдарё вилояти бўйича ходимлари база директорининг ноқонуний фаолиятига барҳам бериш мақсадида махсус амалиёт ўтказишди, унинг давомида Дониёр Сайфутдинов 13 миллион сўмни олаётган пайтда ашёвий далил билан қўлга олинди. У ўз айбини тўлиқ тан олган.
Айни дамда Бош прокуратура ҳузуридаги Департаментнинг вилоят бошқармаси Сайфутдиновга нисбатан Ўзбекистон ЖКнинг 167- (Ўзлаштириш ёки талон-торож қилиш йўли билан ўғирлаш) ва 205-моддаси (Лавозим ваколатларини суиистеъмол қилиш) бўйича жиноят ишини қўзғатиш масаласини кўриб чиқмоқда.
Манба: Kun.uz “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Қайси кундалик одатлар иммунитет пасайишига олиб келишини биласизми?
АҚШнинг Ғазодаги сиёсатидан норози Давлат департаменти расмийси истеъфога чиқди
Германияда мактаб ўқувчилари оммавий равишда ислом динини қабул қилмоқда
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?
Тошкентда 02 кодли авторақамлар тахминан қачон пайдо бўлиши айтилди
Лукашенко Ғарбга таҳдид билан чиқди