Талаба қиз йигитига пуллардан ясалган гулдаста совға қилди (видео)

Таиландлик талаба қиз севган йигитига пуллардан ясалган гулдастани ҳадя этди, деб хабар берди Darakchi.uz нашри.

Қиз йигитидан туғилган кунига қандай совға олишни хоҳлаётганини қайта-қайта сўраган. “У менга эркакларга мос бирор нарса олақол, деди. Мен эса ўша бирор нарсанинг нималигини билмадим. Шундан кейин унга пуллардан ясалган гулдаста совға қилиш ғояси туғилди”, деб ҳикоя қилди қиз.

Талаба қиз банкдаги ҳисоб рақамидан 100 минг бат, майда купюрали пулларни ечтириб, гулдаста ясаш учун флористга олиб борди. Кейин улар ресторанга боришганда қиз совғасини йигитга ҳадя қилди.

“Бу унинг учун катта сюрприз бўлди, -деди қиз.- Йигитим бундай қимматбаҳо совға ҳадя қилиш шарт эмаслигини айтди. Бироқ ҳамма гап пулда эмас-ку, мен мазкур совғам билан унинг бошқаларга ўхшамаслигини билдирмоқчи бўлдим”.

Қизнинг сўзларига қарганда мазкур пулли гулдаста йигитнинг дўстларини ҳам ҳайратга солган.
[media=https://youtu.be/VawvwyJo9qk] “Замин” янгиликларини “Инстаграм”да кузатиб боринг