18:24 / 26.02.2018
4 667

«Ўзбектелеком»нинг янги бош директори ҳақида нималарни биламиз?

«Ўзбектелеком»нинг янги бош директори ҳақида нималарни биламиз?
«Ўзбектелеком» компанияси бош директорлигига Фарҳод Рўзиев тайинлангани ҳақида хабарлар чиққан эди. Бугун, 26 февраль куни компания сайтида бу бўйича расмий ахборот тарқатилди.

Қайд этилишича, Рўзиев Фарҳод Зафарович «Ўзбектелеком» АК бош директори в.в.б этиб тайинланган ва 2017 йилнинг февралидан буён ушбу лавозимда ишлаб келаётган Шуҳрат Қодировнинг ўрнини эгаллаган.

Фарҳод Рўзиев 1979 йил 26 март куни туғилган. 2000 йили Жаҳон иқтисодиёти ва дипломатия университетининг Халқаро иқтисодий алоқалар факультетини тамомлаган.

Меҳнат фаолиятини 2000 йили «Sarkor Telecom» компаниясида бошлаган ва компания менежерлигидан бош директорлигигача кўтарилган.

2007 йилда «Winncom Technologies Corp» компаниясининг Марказий Осиё ва Украинадаги бизнесини ривожлантириш бўйича ҳудудий директори вазифасида ишлаган.

2011-2012 йилларда «Ўзбектелеком» АКга ишга кириб, «Uzonline» лойиҳасига раҳбарлик қилган, шунингдек «Uzmobile» филиали директори бўлган.

Ўзбек, рус ва инглиз тилларида эркин сўзлаша олади.

Уйланган, икки нафар фарзанди бор.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » «Ўзбектелеком»нинг янги бош директори ҳақида нималарни биламиз?