Путин президент бўлмаганда нима билан машғул бўлиши ҳақида сўзлаб берди

  • 03 март 2018, 12:50
  • 4 194
  • Жамият
  • Путин президент бўлмаганда нима билан машғул бўлиши ҳақида сўзлаб берди
    Россия президенти Владимир Путин президент бўлмаганда, ижод билан шуғулланган бўлишини айтди. У Умумроссия халқ фронти медиафоруми бошловчилари унга тайёрлаб қўйган блиц-сўров вақтидаги саволга шундай жавоб берди.

    Путин бошқа бир журналистнинг саволига жавоб берар экан, ўзининг келажакдаги тақдири ҳақида билишни истамаслигини айтган.

    Путин, шунингдек, ўз ҳаёти ҳақида бироз сўзлаб берган: унинг айтишича, у ҳар куни эрталаб бадантарбия қилади, Янги йил кечасида эса мамлакатнинг аксарият аҳолиси каби ўзининг Янги йил табригини томоша қилади. “Мен ҳам президент чиқишини кўраман ва уни кутаман, сўзим рост”, деб айтган Путин.

    Путин ғамгин вақтда нима қилиши ҳақидаги саволга “Ишлайман” деб жавоб берган. У, шунингдек, катта ҳажмдаги ахборот ва рақамли маълумотларни эсда сақлай олиш сири билан бўлишган. “Агар ҳар куни бу билан шуғуллансанг, бу қийинчилик туғдирмайди”, деб айтган Россия президенти.

    Бундан ташқари, Путиндан қандай тарихий воқеани ўзгартирган бўлиши ҳақида сўрашган. “Собиқ иттифоқ парчаланишини”, деб жавоб қилган Путин. У шу билан бирга бошқа замонда яшашни истамаган бўлишини, чунки унинг аждодлари крепостной деҳқонлар бўлганини айтган.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Путин президент бўлмаганда нима билан машғул бўлиши ҳақида сўзлаб берди