Энди ҳеч ким журналистга «материални саҳифадан олиб ташла» дея олмайди

Ҳеч ким журналистдан эълон қилинаётган хабарлар ёки материаллар олдиндан келишиб олинишини, шунингдек, уларнинг матни ўзгартирилишини ёхуд уларнинг нашрдан бутунлай олиб ташланишини (эфирга берилмаслигини) талаб қилиш ҳуқуқига эга эмаслигига оид меъёр мустаҳкамланмоқда. Бу ҳақда ЎзА хабар бермоқда.

Олий Мажлис Сенатининг ўн тўртинчи ялпи мажлисида «Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги қонун маъқулланди.

Қонун билан Ўзбекистон Республикасининг 1997 йил 24 апрелда қабул қилинган «Журналистлик фаолиятини ҳимоя қилиш тўғрисида»ги қонунига ҳам ўзгартиш ва қўшимчалар киритилмоқда.

Унда журналистлик фаолиятини ҳимоя қилиш тўғрисидаги меъёрлар акс этган.

Ўзбекистон Республикасида оммавий ахборот воситаларининг цензура қилинишига йўл қўйилмаслиги қонунда ўз ифодасини топган.

Ҳеч ким журналистдан эълон қилинаётган хабарлар ёки материаллар олдиндан келишиб олинишини, шунингдек уларнинг матни ўзгартирилишини ёхуд уларнинг нашрдан бутунлай олиб ташланишини (эфирга берилмаслигини) талаб қилиш ҳуқуқига эга эмаслигига оид меъёр қонундан ўрин олган.

Журналистнинг давлат органларининг очиқ ҳайъат мажлисларида ва оммавий тадбирларида ҳозир бўлиши, журналистлик сирини ошкор этмаслиги, журналистларнинг касбга оид одоб-ахлоқ қоидаларига риоя этишига оид меъёрлар ҳам қонунга киритилмоқда.

Журналистни аккредитация қилиш масаласи ҳам қонундан ўрин олмоқда.

Эслатиб ўтамиз, охирги пайтларда Ўзбекистонда журналистларга турли шаклда босим ўтказиш билан боғлиқ ҳолатлар кузатилди. Жумладан, Каттақўрғонда 23 ёшли ўқитувчи қизнинг ўлими билан боғлиқ ҳолатни ёритган журналист Каримберди Тўрамуродга таҳдид қилинди (шундан сўнг прокуратура вазиятни назорат остига олди). 28 март куни эса «Kun.uz» сайти жамоаси фаолияти «Тошкент савдо маркази» (собиқ «Абу Сахий» бозори) маъмурияти ходимлари томонидан тўсқинликка учради. “Замин” янгиликларини “Facebook”да кузатиб боринг