Фарғона вилояти Данғара туманида фаолият юритувчи қассоблардан бири эшак гўшти сотиш билан ҳам шуғуллангани фош бўлди. Бу ҳақида «Muloqot TV» телеканали репортажида маълум қилинган.
Маълум бўлишича, Содиқжон Ботиров Данғара туманида қорамол олиб сотиш савдоси билан шуғулланиб келган. Шу билан бирга у ўз хонадонида қорамол ва қўйларни сўйиб, аҳоли истеъмоли учун тарқатган. Лекин у ўз уйида эшакларни ҳам сўйиб, гўштларни турли савдо нуқталарига сотгани маълум бўлди. Данғара туман ИИБ томонидан ўтказилган тезкор тадбир давомида Содиқжон Ботиров эшак гўштини олиб кетаётган автомашина тўхтатилган.
«Ботиров Содиқжон Урайимович бошқарувидаги автомашина тўхтатилиб, текширилган вақтда машина юкхонасида гўшт маҳсулотлари борлиги аниқланган. Бу маҳсулотлар шубҳа туғдиргани сабабли, текшириб кўриш учун далилий ашё сифатида олинди. Данғара туман ветеринария бўлими томонидан берилган 107 - рақамли хулосага кўра бу эшак гўшти экани аниқланган», дея изоҳ беради Данғара туман ИИБ терговчиси Фурқатжон Сиддиқжонов.
Телеканал томонидан тайёрланган репортаж давомида Данғара туман ветеринария бўлими мутахассиси Акрамжон Маткаримов эшак гўштини инсон организми учун ўта хавфли касалликлар юқтириши ҳақида маълумот берган бўлса, Қўқон шаҳар бош имом хатиби Абдумажид ҳожи Исақов ислом динида эшак гўштини мол гўштига аралаштириб сотиш жуда катта гуноҳ эканлигини айтиб, уни ҳалол дея билмасдан еган ва фарзандларига едирган одамларларнинг гуноҳи ўша гўштни сотган кишига бўлиши, демак, у киши минглаб одамларни гуноҳини бўйнига олгани ҳақида ўз фикрини билдирган.
«Мол бозоридан мол олиб келиб сўйиб, бозорда гўштини сотаман. Охирги сафар икки эшак ҳам олиб келиб, уйимда сўйиб мол гўштига аралаштирдим. Гўштни 16 мингдан сотардим. Эшак гўштини аралаштирсам, сал фойда бўлармикин деб шу ишга қўл урибман», дейди Содиқжон Ботиров.
«Содиқжон Ботиров Ўзбекистон Республикаси Маъмурий кодексига кўра тегишли жазога тортилди. Лекин, унинг бундай пасткашлиги оқибати нималарга олиб келганини барчамиз биламиз. Қолгани эса, кимсанинг қилган ишидан виждони қийналиши ёки қийналмаслига боғлиқ» дея якунланади «Muloqot TV» репортажи.
Бундан аввалроқ Фарғона вилоятининг Қўштепа туманида эшак сўйиб сотган қаллоб «тадбиркорлар» қўлга олингани ҳақида хабар қилинганди. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Кальяри” Шомуродов бўйича бир қарорга келди
Самарқандда ҳайдовчидан пора сўраган ЙПХ ходимлари ишдан бўшатилди
Биологик фаол қўшимчалар мутлақо зарарсизми?
Тошкент вилоятида экология инспекторлари ҳужумга учради
Бухорода ёдгорликларни таъмирлашга ажратилган 3,3 млрд сўм талон-торож қилинди
Ҳар бир қизнинг орзуси: турк сериалларидаги энг чиройли 4 та тўй
Ўзбекистонда Хитой билан ҳамкорликда чиқиндиларни ёқиш заводи қурилади
Москвада Украинадан тортиб олинган НАТО ҳарбий техникалари кўргазмаси ўтказилди
