Ўзбекистон Президенти Шавкат Мирзиёев 30 апрель, душанба куни Тошкентда Туркия бизнеси ва банклари раҳбарлари қаршисида нутқ сўзлаётиб, уларга Тошкентнинг янги ҳокими — Жаҳонгир Ортиқхўжаевни таништирди, деб ёзади «Газета.uz».
«Мен Ўзбекистон тарихида биринчи марта ўзим ишонадиган тадбиркорни Тошкент ҳокими этиб тайинладим. Бунақаси тарихда бўлмаган», — деди Шавкат Мирзиёев.
«Бу жорий ислоҳотларни тушунадиган, бюрократиядан узоқ бўлган, Тошкент шаҳрининг эртанги куни қандай бўлишини тасаввур қиладиган, замонавий йигит Ўзбекистонга тоза ҳаво кириши учун, инвесторларни қўллаб-қувватлаш учун тайинланди», — дея таъкидлади Президент.
«У бизнинг кўпчилик раҳбарларимиз каби райком, партия сингари бюрократия тизимларининг ҳеч бирида ишламаган. Бу тадбиркор. Шунга қарамай, мен бу тадбиркорни энг йирик ҳудудимиз — Тошкент раҳбари этиб тайинладим», — деди давлат раҳбари.
«Эртанги кунни мен фақат тадбиркорларга ишонаман. Шу сабабли қарор қилдим: тадбиркор — Тошкент шаҳар ҳокими», — деди у.
«Бугунги кундан эътиборан у икки карра масъулиятга эга, — дея қўшиб қўйди Шавкат Мирзиёев. — Агар сизлар (туркиялик инвесторлар) Тошкентда бирорта тўсиққа дуч келсангиз, у жавобгар бўлади».
Akfa компаниялари асосчиси, Artel Engineering ва Tashkent City директори Жаҳонгир Ортиқхўжаев 26 апрель куни Тошкент ҳокими вазифасини бажарувчи этиб тайинланган эди.
Президент қарори: ФВВ таркибида янги хизмат ташкил этилади
Сирдарёда Хитойдан келтирилган 3 миллион тут кўчати ёқиб йўқ қилинди (фото, видео)
Обама ва Клинтоннинг собиқ маслаҳатчиси ўз жонига қасд қилди
«WinRAR»ни янгиланг! 19 йиллик хавф аниқланди
GM Uzbekistan Malibu ва Tracker автомобилларига чегирма эълон қилди
Годин, Хименес ва Бентанкур Уругвай машғулотларига қўшилди (фото)
Латофатли Шаҳзода Кремл саҳнасида куйлайди
Эҳтиёт бўлинг: пахтали таёқча!
Aёлнинг ўрни қаерда?