Энди ҳайдовчилик гувоҳномасини алмаштириш янада осонлашди

  • 15 май 2018, 13:26
  • 4 649
  • Жамият
  • Энди ҳайдовчилик гувоҳномасини алмаштириш янада осонлашди
    14 май кунидан бошлаб ҳайдовчилик гувоҳномаси ва унинг огоҳлантириш талонини янги намунадаги миллий ҳайдовчилик гувоҳномаларига алмаштириш Адлия вазирлиги ҳузуридаги давлат хизматлари агентлиги Тошкент шаҳар бошқармасининг марказларида қўшимча тест режимида амалга оширилади, деб хабар берди пойтахт ИИББ ЙҲХБ ахборот хизмати.

    Хизматлар қуйидаги манзилларда амалга оширилади:
    • Юнусобод тумани давлат хизматлари маркази – Юнусобод тумани, Осий кўчаси 4-«А» уйда жойлашган. Юнусобод ва Мирзо Улуғбек тумани аҳолисига хизмат кўрсатади;
    • Учтепа тумани давлат хизматлари маркази – Учтепа тумани, Фарҳод кўчаси, 21-уйда жойлашган. Учтепа, Чилонзор ҳамда Сергели тумани аҳолисига хизмат кўрсатади;
    • Миробод тумани давлат хизматлари маркази – Миробод тумани, Амир Темур шоҳ кўчаси, 31-уйда жойлашган. Миробод, Бектемир, Яшнобод ва Яккасарой тумани аҳолисига хизмат кўрсатади.

    Хизмат кўрсатиш вақти – душанба, сешанба, чоршанба, пайшанба, жума кунлари соат 09:00 дан 18:00 гача. Тушлик 13:00 дан 14:00 гача.

    » » Энди ҳайдовчилик гувоҳномасини алмаштириш янада осонлашди