1442-1505 йилларда яшаб ўтган буюк мутафаккир олим ва ўз даврида воизлик санъатининг йирик намояндаси бўлган Ҳусайн Воиз Кошифий ҳақида Алишер Навоий қуйидагича ёзади: “Ул жумладин ҳуруф роқими бу марсия билан тарих айтиб, йили оши тортарда султони Соҳибқирон (Ҳусайн Бойқаро) олий мажлисларида ўткарди ва ҳукм бўлдиким, мавлоно Ҳусайн Воиз минбар устида ўқиди”. Бу сўзлар устози Жомий вафотига атаб ҳазрат Навоийнинг марсия ёзгани ва бу марсияни ўз даврида кучли ва таъсирли нутқ эгаси сифатида эҳтиром қилинган Ҳусайн Воиз Кошифий томонидан минбарда туриб ўқилганига ишорадир. Манбаларга кўра, бу улуғ алломанинг нафақат илми, балки одоб-ахлоқи ҳам юксак даражада бўлгани учун ҳатто Ҳусайн Бойқаро ва Алишер Навоий ҳам унинг ваъз-насиҳатларини тинглаганлар.
Тарихнавис Мир Саид Шариф Роқим ҳам бу алломани юксак эҳтиром билан тилга олади: “Мавлоно Камолиддин Ҳусайн Али Воиз Кошифий баланд овозда яхши ваъз қилгани учун олимлар ва фозиллар ўзларининг хос мажлисларига уни таклиф қилишар эди”.
Кошифийнинг “Ахлоқи Муҳсиний” китоби Шарқда жуда машҳур асарлардан бўлган. Кўп марта тошбосма усулда чоп қилинган. Дунёнинг турли мамлакатларида кўчирилган 50дан зиёд ноёб қўлёзмаси ҳозирда Абу Райҳон Беруний номидаги Шарқ қўлёзмалари институти хазинасида сақланмоқда.
Манба: Kun.uz «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Давлат хизматлари соҳасидаги сўнгги янгиликлар ва енгилликлар маълум қилинди
Путин МДҲ давлатлари раҳбарлари билан учрашади
Путин учинчи жаҳон уруши ҳақидаги саволга қандай жавоб берди?
Венгрия бош вазири: Европа Украинадаги можарода ютқазди
Панама президенти Трампнинг таҳдидларига қандай жавоб қайтарди?
Эксперт: Россияга қарши санкциялардан Ўзбекистон ва Қирғизистон кўпроқ фойда кўрди
Гренландия Дональд Трампга орол сотилмаслигини эслатиб қўйди
Қушлар учун ақлли қафас тақдим этилди: ўзи овқатлантириб, ўзи тозалайди
