5 031
Шерзод Шерматов: “Мактабга бош кийим билан келиш-келмаслик масаласига ёпишиб олмаслик керак”
Олдин хабар берганимиздек, айни дақиқаларда Халқ таълими вазири Шерзод Шерматов тизимга оид янгиликлар, истиқболдаги режалар, мавжуд муаммолар ва уларни бартараф этишга қаратилган чора тадбирлар хусусида брифинг ўтказмоқда.
“Тадбиркорларимиз тўйхоналар, дўконларга эмас, таълим ривожи, ота-оналар эса фарзандининг яхши ўқиши учун сармоя киритса, шунга жон койитса, кўзлаган мақсадларимизга тезроқ эришамиз. Асосий ниятимиз, таълим сифатини яхшилаш! Илгари болаларимиздан келажакда ким бўлмоқчисан, деб сўралса,“Ўқитувчи“ деб жавоб берарди. Ҳозир эса “Бизнесмен бўламан“, дейди. Мажбурий меҳнатга чек қўйилиши, ўқитувчининг нуфузини юксалтириш энг муҳим шиоримиз“, - деди Ш. Шерматов.
Вазир ижтимоий тармоқларда кўп муҳокама қилинаётган мактаб формалари масаласига ҳам тўхталди.
“Мактаб формалари бўйича жорий қилинаётган лойиҳаларни кўпчилик фақат Халқ таълими вазирлигига юклаб қўймоқда. Бу нотўғри. Биринчидан, бизда қонун ҳужжатларини ишлаб чиқадиган парламент, депутатларимиз бор. Биз ижро этувчи органнинг бир бўғини сифатида улар қандайдир тартибни жорий қилса, уни амалга татбиқ этишимиз мумкин.
Яна бир масала, бу тартиблар лойиҳаси ишлаб чиқилаётганда, биз, жумладан, янги тайинланган ҳозирги раҳбарият иштирок этмаганмиз. Агар қандайдир ўзгаришлар лозим, деб ҳисобланса, бунда бевосита иштирок этишимиз мумкин.
Яна бир масала бор: жуда кўпчилик шу форма масаласига, рўмол, ҳижоб масаласига ёпишиб олди. Аммо бизнинг асосий мақсадимиз бу эмас. Асосий мақсадимиз — баркамол авлодни етиштириш. Кўпчилик эса ҳозир иккинчи даражали масалалар билан ўралашиб қолган. Бу билан мақсадга етиб бўлмайди. Биз биринчи навбатда асосий мақсад йўлида ҳаракат қилишимиз лозим”, - деди Шерматов. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Қайси кундалик одатлар иммунитет пасайишига олиб келишини биласизми?
АҚШнинг Ғазодаги сиёсатидан норози Давлат департаменти расмийси истеъфога чиқди
Германияда мактаб ўқувчилари оммавий равишда ислом динини қабул қилмоқда
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?
Тошкентда 02 кодли авторақамлар тахминан қачон пайдо бўлиши айтилди
Лукашенко Ғарбга таҳдид билан чиқди