Тожикистон бош прокуратураси ўзини прокуратура идоралари ходими сифатида кўрсатиб пора эвазига жиноий жавобгарликдан озод қилишни ёки прокуратурага ишга жойлаштиришни ваъда қилган фуқаролар билан боғлиқ бир нечта ҳодисани фош қилди.
Тожикистон бош прокуратураси матбуот хизмати хабарига қараганда, ўзини прокурор ёки прокурор “одами” дея таништирган бу кишиларнинг кўпчилиги аввал судланган бўлган. Уларнинг ҳаммаси қўлга олинган.
Масалан, Сўғд вилоятида яшовчи Шерали Умаров бундан олдин фирибгарлик, ҳужжатларни сохталаштириш каби айблар билан жавобгарликка тортилган. У ўзини прокурор дея таништириб, безорилик учун ушланган Спитамен туманилик Ойбек Шералиевни озод қилиш эвазига 30 минг сомони (3,3 минг доллар) олган.
Ушбу мамлакатнинг Данғара тумани Ғарғара қишлоғида яшовчи Абдурасул Абдуллоев эса бир кишига юқори лавозимли давлат амалдорининг қариндоши ва бош прокуратурадаги муҳим ходим билан танишлигини айтиб, у ерга ишга жойлаштириб қўйишни ваъда қилган ва 3 минг АҚШ доллари олган. Айбланувчининг айби судда тўлиқ исботланиб, Абдуллоев 5 йил озодликдан маҳрум қилинди.
Адвокат Хуршед Абдураззоқов эса Ваҳдат шаҳар прокуратураси билан алоқаси борлигини айтиб ўзи ҳимоя қилаётган мижозидан пора олган.
Бош прокуратура баёнотда бу каби фуқаролар прокуратура ходимлари шаъни ва либосини бадном қилганини қайд этилган. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
«Реал Мадрид» устози Карло Анчелотти кечаги ғалабадан сўнг нималар деди?
Қозоғистонлик миллиардерлар сув тошқинидан зарар кўрган ҳудудларга маблағ ажратди
Хотирани яхшилашнинг жуда оддий усули топилди
Бизнес имкониятингизни кенгайтиринг
АҚШ разведкаси: Украина 2024 йил охиригача урушда ютқазиши мумкин
Қондаги шакар миқдорини тартибга солувчи фойдали мева номи айтилди