09:28 / 30.07.2018
3 374

Кореяга ишга юбориш учун 12,5 минг доллар олган фирибгар қўлга олинди

Кореяга ишга юбориш учун 12,5 минг доллар олган фирибгар қўлга олинди
Фирибгарлик жинояти содир содир этган К. Ражабов 4 йил озодликдан маҳрум этилди. Бу ҳақда Repost.uz сайти жиноят ишлари бўйича Бухоро вилоят суди судьяси З. Қурбоновга асосланиб хабар берди.

Хабарда айтилишича, К. Ражабов 2015 йил август ойининг ўрталарида Бухоро шаҳрида фуқаролар Ф. Ҳасанов, А. Ҳасанов, Ж. Жўраев, Б. Мажидовларга Жанубий Корея давлатига бориш учун бўладиган тест синовларида ёрдам беришини айтиб, уларнинг хар биридан 2 000 АҚШ долларини фирибгарлик йўли билан қўлга киритган.

Шунингдек, 2015 йил июль ойида фуқаро Ж. Исломовнинг ҳам ишончини суиистеъмол қилиб ундан 3. 500 АҚШ долларини қўлга киритиб, жиноий ҳаракатларини давом эттирган.

Жиноят ишлари бўйича Бухоро вилоят суди кассация инстанциясининг 2018 йил 19 июлдаги ажрими билан жиноят ишлари бўйича Бухоро шаҳар судининг 2017 йил 23 майдаги ҳукми ўзгаришсиз қолдирилди.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)