Тошкент вилояти божхона бошқармаси “Навоий” чегара божхона пости орқали республикадан чиқиб кетаётган фуқаро Й.С.нинг безовталаниши божхоначиларда бежиз шубҳа уйғотмагани маълум бўлди, деб хабар бермоқда Давлат божхона қўмитаси ахборот хизмати.
Божхона кўриги давомида ушбу шахс чўнтакларидаги 12400 АҚШ долларини йўловчи божхона декларацияси ва божхона ходимларининг оғзаки сўрови пайтида маълум қилмасдан туриб, олиб чиқмоқчи бўлганлиги фош қилинди.
Фото: Давлат божхона қўмитаси ахборот хизмати
Унинг ҳамроҳи Э.М. ҳам таваккалга қўл уриб, 10 минг АҚШ долларини чўнтаги ва сумкасига жойлаганча, бамайлихотир чиқиб кетаман деб ўйлаганди. Аммо, унинг бу ўйлари божхона постида пучга чиқди.
Худди шундай ҳолат вилоятнинг “Ойбек” чегара божхона постида ҳам фош этилди. Мазкур пост орқали қўшни давлатга чиқиб кетаётган чет эл фуқароси Л.М. йўловчи божхона декларациясида ва божхона ходимларининг оғзаки сўрови пайтида маълум қилмасдан туриб 140 минг Россия рублини олиб чиқиб кетаётган пайтда тўхтатиб қолинди.
“Тошкент-Аэро” ихтисослаштирилган божхона комплекси ходимлари томонидан ҳам нақд хорижий валюталарнинг ноқонуний олиб чиқилишга доир божхона қоидабузарликлари фош қилинди.
Ислом Каримов номидаги Тошкент халқаро аэропортида “Тошкент-Олмата” рейси бўйича парвозга шайланган қўшни давлат фуқароси М.М.га тегишли сумка белгиланган тартибда божхона кўригидан ўтказилганида, унда йўловчи божхона декларациясида кўрсатилмаган ва божхона ходимининг оғзаки сўрови пайтида маълум қилинмаган 4924 АҚШ доллари яширилганлиги маълум бўлди.
Айни шу рейснинг яна бир йўловчиси, қўшни давлат фуқароси Р.Н. ҳам 5 минг АҚШ долларини сумкасига яширганча, божхона назоратидан четлаб олиб чиқишга уринган пайтда тўхтатиб қолинди.
Ҳозирда ушбу ҳолатлар юзасидан божхона текширувлари давом эттирилмоқда.
Ўзбекистон Республикаси фуқаролари, Ўзбекистон Республикасида доимий яшаш жойига эга бўлган чет эллик фуқаролар ва фуқаролиги бўлмаган шахсларга 5 000 АҚШ долларига тенг ёки ундан ошмайдиган миқдордаги нақд хорижий валютани йўловчи божхона декларациясида кўрсатган ҳолда эркин олиб чиқиб кетишларига рухсат этилади.
Ўзбекистон Республикаси фуқароси бўлмаган ёки Ўзбекистон Республикасида доимий яшаш жойига эга бўлмаган чет эллик фуқаролар ва фуқаролиги бўлмаган шахслар томонидан нақд хорижий валюталарни олиб чиқиш улар томонидан Ўзбекистон Республикасига кириш чоғида тўлдирилган йўловчи божхона декларацияси асосида амалга оширилади.
Яъни, киришда тўлдирилган йўловчи божхона декларациясида кўрсатилган нақд хорижий валюта суммасидан ортиқча бўлмаган миқдордаги нақд хорижий валюталарни олиб чиқишга рухсат этилади. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Небензя Ғарбнинг БМТ Хавфсизлик Кенгашидаги нутқини иккиюзламачилик паради деб атади
Эрон Исроилга ҳужум уюштирди. Энди уруш бошланадими?..
Пентагоннинг собиқ таҳлилчиси Ғарб нега Украинада тинчлик истамаслигини тушунтирди
Можародан сўнг Украинани нима кутаётгани маълум бўлди
“Толибон” Эроннинг Исроилга қарши ҳужумини қўллаб-қувватлади
Давлат хавфсизлик хизмати маклерларга қўшиб мансабдорларни ҳам қўлга олди
Эроннинг Исроилга ҳужуми шунчаки спектакль эдими?..
Бухоро вилоятида «Нексия-3» автомашинаси букланиб қолди
