Тошкентдаги “Қўйлиқ” бозори ёнида автобус ёниб кетди (видео)

Бироз аввал ижтимоий тармоқларда Тошкент шаҳридаги Қўйлиқ деҳқон бозори ёнида автобусда ёнғин чиққан ҳақидаги хабар тарқалган эди.

Воқеа тафсилотлари ҳақида «Toshshahartransxizmat» акциядорлик жамияти вакиллари тушунтириш берди.
4-автобус саройига қарашли «Қўйлиқ-Бошлиқ» оралиғида қатновчи 45-йўналишдаги автобус автошоҳбекатда турганда қисқа туташув юз берган. Атрофни тутун қоплаган. Жабрланганлар йўқ. Шундай бўлса-да, аҳолининг ва йўловчиларни хавфсизлигини таъминлаш учун ўт ўчириш хизматига мурожаат қилинган.

Ҳозирда қисқа туташув сабаблари ўрганилмоқда. Мазкур воқеа ҳақида ҳайдовчи томонидан олинган видеолавҳани ушбу ҳавола орқали кўришингиз мумкин. «Замин»ни Telegram’да ўқинг!