Хоразмда врач-кардиолог пора билан қўлга тушди

Хоразм вилоятининг Хонқа туман марказий поликлиникаси врач-кардиологи З. К. фуқаро Г. Х. дан юрак хасталиги бўйича зарур маълумотнома ёзиб бериш эвазига 200 АҚШ доллари ва 200 юз минг сўм пора талаб қилган. Врач худди шу порани қабул қилиб олаётганда, ҳуқуқни муҳофаза қилиш ташкилоти ходимлари тарафидан қўлга олинди.

Эслатиб ўтамиз, бу ҳақда фуқаро Г. Х. нинг ўзи тегишли ташкилотга хабар берганди.

Ҳозирда З. К. га нисбатан республика жиноят мажмуасининг тегишли моддасига асосан жиноий иш қўзғатилган. Тергов ҳаракатлари давом эттирилмоқда.