Наманган вилояти Поп тумани Қамчиқ довонида 22 октябрь куни соат тахминан 20:55 да номаълум ҳайдовчи пиёдани уриб юборган, сўнг бу пиёданинг устидан яна бир неча машина ўтиб кетган. Бу ҳақда Daryo.uz хабар бермоқда.
ИИВ Жамоатчилик ва ОАВ билан алоқалар бошқармасидан маълум қилишларича, пиёда — Андижон вилояти Жалақудуқ тумани Қатортол маҳалласида яшаган 41 ёшли Эркин Эргашбоев олган жароҳатлари оқибатида ҳодиса жойининг ўзида вафот этган.
Қидирилаётган ҳайдовчи топилганича йўқ. Ҳозирги вақтда видеокузатув камералари ёзувлари текширилмоқда. Бу — мураккаб жараён, чунки машина пиёдани уриб юборганидан сўнг, буни сезмай қолган бошқа автомобиллар ҳам пиёдани босиб ўтган. Биринчи машина ҳайдовчисини излаш ишлари олиб борилмоқда.
Поп тумани ИИБдан қўшимча қилишларича, ҳозирги вақтда икки ҳайдовчи ишга жалб этилган. «Видеоёзувлар асосида ўша куни ўтган автомобилларни аниқлаб, улар ҳақидаги маълумотларни Андижон, Фарғона ва бошқа ҳудудларга юборяпмиз», — деди туман ИИБ вакили.
«Агар кимда-ким ушбу ҳодисага гувоҳ бўлган ва номаълум автомашина ҳамда унинг ҳайдовчиси ҳақида бирор маълумотга эга бўлса, ички ишлар органларининг ҳудудий бўлимларига бориб ёки 102 телефон рақами орқали хабар беришингизни сўраймиз», — дейилади ИИВ баёнотида. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Президент Мирзиёев Москва парадидаги иштирокидан сўнг Тошкентга қайтди
ОАВ: Марказий Осиё давлатлари дронлар билан қуролланмоқда
АҚШ элчиси «оддий, аммо инқилобий ғоя» ҳақида гапирди
Голливуднинг энг уятчан юлдузлари (фото)
“Челси”нинг энг ёмон ўйинчилари номи айтилди
ЕЧЛ 1/2 финал. "Боруссия" иккинчи ўйинда ҳам ғалаба қозониб, илк финалчига айланди
“Челси” 2024 йилда кимлар билан хайрлашади?
АҚШ ноқонуний миграцияга қарши чоралар кўрмоқда
