Ўзини осиб қўйган мактаб ўқувчисининг ўлими билан боғлиқ янги маълумотлар

  • 11-11-2018, 08:55
  • 3 457
  • Жамият
  • Ўзини осиб қўйган мактаб ўқувчисининг ўлими билан боғлиқ янги маълумотлар
    Маълумингизким, яқинда Қарши шаҳридаги мактаблардан бирининг 8-синф ўқувчиси синфдошлар, мактабдаги айрим ходимлар камситаверишига чидай олмай, жонига қасд қилгани ҳақида хабар бергандик.

    Яқинда шу масалада янги маълумотлар пайдо бўлди. Синфдошларидан бирининг онаси Мирафзал нега ўзини ўлдирган бўлишига оид кутилмаган хабарни айтиб қолди. Аёлнинг айтишича, у мактаб ошхонасида ишларкан. Мирафзал Абдурашидов отасидан жуда-жуда қўрқаркан. Бу бесабаб эмас албатта. Ота ўғлини тез-тез калтаклаши бола руҳиятига қаттиқ таъсир қилган. Жуда қўрқоқ бўлиб қолган.

    Масалан, бир куни мактабга телефон кўтариб келгани учун муаллим телефонни тортиб олган ва отасига топширишини айтган. Шунда Мирафзал аёлнинг ёнига югуриб чиққан-у, муаллим билан гаплашиб телефонини олиб беришини сўраган. Агар отаси билса, яна дўппослашини айтиб ёлворган.

    Албатта, айни кунларда ҳам тергов жараёни тугагани йўқ. Мутахассислар фожиа сабабларини аниқлашга ҳаракат қилишмоқда.

    Манба: Hordiq.uz

    » » Ўзини осиб қўйган мактаб ўқувчисининг ўлими билан боғлиқ янги маълумотлар