Чироқчида туғилган Шавкат, Миромон ва Мирзиёларнинг отасига Spark берилди (фото)

Қашқадарё вилоятининг Чироқчи туманида туғилган Шавкат, Мирзиё ва Миромонларнинг отаси Шерзод Дўстмуродовга Президент совғаси — Spark машинаси совға қилинди. Бу ҳақда «Дарё» вилоят ҳокими ўринбосари Мақсуда Мустафоевага таяниб маълум қилмоқда.

Мақсуда Мустафоевага кўра, Президент совғасини бугун, 4 март куни вилоят ҳокимлиги вакиллари ва туман ҳокими Рустам Жўрақобиловлар тантанали равишда топширган.

^{Фото: Қашқадарё вилояти ҳокимлиги}
«Тўғриси бу мен учун қўшалоқ байрам бўлди, — дейди эгизакларнинг отаси Шерзод Дўстмуродов. – Бугун хонадонимизда тўй. Биздек ёш оилаларни қўллаб-қувватлаётгани учун Президентимизга ўз миннатдорчилигимни билдираман. Вилоят ҳокимимиз Зафар Рўзиевга ҳам раҳмат. Насиб этса фарзандларим эл корига ярайдиган инсонлар бўлиб етишади».

^{Фото: Қашқадарё вилояти ҳокимлиги}
Чироқчи туманидаги тарих фани ўқитувчиси Шерзод Дўстумродов хонадонида 3 эгизак жорий йил 21 январь куни дунёга келган эди.

^{Фото: Қашқадарё вилояти ҳокимлиги} «Замин»ни Telegram’да ўқинг!