Абдулла Авлоний номидаги халқ таълими раҳбар ходимларини қайта тайёрлаш ва малакасини ошириш институтида Халқ таълими вазирлиги раҳбарияти ҳамда фахрийлар билан давра суҳбати бўлиб ўтди, деб хабар бермоқда “Халқ сўзи”.
Қайд этилишича, тадбирда халқ таълими тизимида олиб борилаётган ислоҳотлар, таклифлар муҳокама қилинган, академик ва фан докторлари томонидан маърузалар ўқилган.
— Президентимиз Шавкат Мирзиёев бошчилигида халқ таълими тизимида катта ислоҳотлар амалга оширилмоқда, — дея таъкидлаган Шерзод Шерматов. — Хусусан, ёш авлоднинг билимли бўлиши ҳамда ҳаётда ўз ўрнини топиши учун барча шароит яратилаётир. Бу йўлда, энг аввало, ўқитувчиларнинг жамиятдаги мавқеини оширишга алоҳида эътибор қаратиляпти. Педагоглар маошининг оширилиши мактабларга эркак ўқитувчиларнинг қайтишига туртки бўлди. Нафақахўрлар пенсиясининг тўлиқ миқдорда тўланиши эса маҳоратли ўқитувчилар тажрибасини ёшларга ўргатишга кўмаклашди.
Яна шуни таъкидлашни истардимки, мактабларда мажбурий обунани чеклаш борасидаги ишларимизни нотўғри талқин қилаётган, мени газета ўқимайдиган, матбуотнинг душманига айлантириб қўйган турли хабарларни эшитяпман. Шахсан менинг иш столимда ҳар куни газеталар туради. Эрталаб ишимни “Халқ сўзи”, “Народное слово”, “Правда Востока” ва бошқа газеталарни ўқишдан бошлайман. Бу тарғиботни бошқача талқин қилиш нотўғри, деб ўйлайман.
Тадбирда халқаро таълим тизимлари ва тадқиқотлари босқичма-босқич жорий этилиши ҳамда иқтидорли болаларни тарбиялаш учун Президент мактаблари ташкил этилиши ҳақида маълумот берилди. Шунингдек, 2019 йил давомида “Ўқитувчилар мақоми тўғрисида” Қонун қабул қилиниши кутилаётгани айтиб ўтилди. Мазкур ҳужжат ўқитувчиларнинг ҳуқуқ ва мажбуриятларини белгилаб бериши билан бирга, уларнинг ижтимоий ҳимоясига оид масалаларни ҳам тартибга солади.
Давра суҳбатида дарсликларнинг маъно-мазмуни борасида ҳам сўз борди. Шунингдек, ҳар бир мактабда алоҳида форма жорий этилиши сингари таклифлар, фикр-мулоҳазалар ҳам билдирилиб, муҳокама қилинди, дейилади хабарда. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Қайси кундалик одатлар иммунитет пасайишига олиб келишини биласизми?
АҚШнинг Ғазодаги сиёсатидан норози Давлат департаменти расмийси истеъфога чиқди
Германияда мактаб ўқувчилари оммавий равишда ислом динини қабул қилмоқда
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?
Тошкентда 02 кодли авторақамлар тахминан қачон пайдо бўлиши айтилди
Лукашенко Ғарбга таҳдид билан чиқди
