«Мерседес» ҳайдовчиси автоҳалокат келтириб чиқариб, ўзи қочиб кетди

Автоҳалокат Тошкент шаҳар Мирзо Улуғбек туманидаги Мустақиллик кўчасида шу йил 5 апрел куни содир бўлди. «Мерседес» ҳайдовчиси светофорнинг тақиқланган сигналидан ўтиб кетиб, «Матиз» автомобили билан тўқнашиб кетди.

Оқибатда «Матиз» ҳайдовчиси ҳамда икки йўловчи жиддий жароҳат олди. «Мерседес» ҳайдовчиси эса жабрланганларга ёрдам кўрсатиш ўрнига воқеа жойидан яширинди.

Сал ўтмай, ҳуқуқни муҳофаза қилиш ташкилоти вакиллари айбдорни тутишди албатта. У 33 ёшли Элёр М. бўлиб чиқди.
Айни пайтда суриштирув ишлари олиб борилмоқда. «Замин»ни Telegram’да ўқинг!