Коррупция қўрқинчлироқми ё кўзбўямачилик?

Таниқли блогер Шаҳноза Тўрахўжаева доимгидек фаол ва ҳозиржавоб. Шу кунларда кенг муҳокама қилинаётган «Андижон машмашаси»га (Президент ташрифи арафасида муҳтож аёлга уй берилгани-ю кейинроқ қайтариб олингани, бу воқелик овоза бўлиши ортидан ўтказилган суриштирувларда ўша аёл гўёки ёлғончи бўлиб чиқаётгани) ҳам дарҳол муносабат билдирди:

«Нега барибир андижонлик аёлга кўпроқ ишонгимиз келяпти? Чунки кўзбўямачиликдан тўйганмиз. Президент ўтадиган йўллар бўйидаги далаларга пахталарни ёки гулларни пояларга қўлда ёпиштириб чиқишларию, ногиронларга камералар ва меҳмонлар гувоҳлигида берилган уйларнинг кейин ёлғон туҳфа бўлиб чиққани эсимизда турибди. Бизнинг у фактлар асосида шаклланган хулосаларимиз тез бекор бўлмайди ё ўзгармайди.

Ўйлаб ҳам қоласан: коррупция қўрқинчлироқми ё кўзбўямачилик?»

Қисқа, лўнда ва аниқ гап: «тўққизликка» урилган. Нима дедингиз? «Замин»ни Telegram’да ўқинг!