Қаҳрамон Қуронбоев Ёшлар Иттифоқи раислигидан кетди

  • 30 август 2019, 06:00
  • 850
  • Жамият
  • Қаҳрамон Қуронбоев Ёшлар Иттифоқи раислигидан кетди
    Ўзбекистон Ёшлар Иттифоқи раиси Қаҳрамон Қуронбоев ўз вазифасидан озод этилди. Бу ҳақда Kun.uz манбаси маълум қилди. Бугун, 29 август куни ташкилотда йиғилиш ўтказилган ва унда Қуронбоев ишдан кетгани эълон қилинган.

    Қаҳрамон Қуронбоев 2017 йил 30 июнда ташкил этилган Ёшлар Иттифоқи фаолият бошлаганидан буён ҳаракатга раҳбарлик қилиб келади. Ёшлар Иттифоқи собиқ «Камолот» ёшлар ижтимоий ҳаракати негизида ташкил этилганди.

    Қаҳрамон Қуронбоев 2018 йил 5 июнь куни водийда келин-куёвнинг тўй кортежини тўхтатиб, уларни таксига ўтирғизиб юборганини ОАВ билан учрашув вақтида айтганидан сўнг кескин танқидлар остида қолиб кетган ва Қуронбоевнинг бу ҳаракатини президент Шавкат Мирзиеёв ҳам қоралаганди.

    Қуронбоевнинг янги лавозими ҳам аниқ. У давлат хизмати ва давлат ҳокимияти органлари билан ҳамкорлик қилиш масалалари бўйича президент маслаҳатчисининг биринчи ўринбосари лавозимига тайинланди.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Қаҳрамон Қуронбоев Ёшлар Иттифоқи раислигидан кетди