«Прокуратура тўғрисида»ги қонунга ўзгартиш киритилади

  • 12 сентябрь 2019, 14:23
  • 666
  • Жамият
  • «Прокуратура тўғрисида»ги қонунга ўзгартиш киритилади
    Норматив-ҳуқуқий ҳужжатлар лойиҳалари муҳокамаси порталида “Прокуратура тўғрисида”ги Ўзбекистон Республикаси Қонунининг 8-моддасига ўзгартиш киритиш тўғрисида”ги қонун лойиҳаси эълон қилинди.

    Ўзбекистон Республикасининг 1992 йил 9 декабрда қабул қилинган “Прокуратура тўғрисида”ги 746-ХII-сонли Қонуни 8-моддасининг (Ҳуқуқбузарликлар профилактикаси ва жиноятчиликка қарши кураш соҳасидаги фаолиятни мувофиқлаштириш) учинчи қисмига (Ўзбекистон Республикаси Бош прокуратураси) қуйидаги ўзгартишлар киритилиши мумкин:

    - тўртинчи хатбоши (Одам савдосига қарши курашиш бўйича республика идоралараро комиссиясининг) чиқариб ташланади;
    - бешинчи хатбоши (Коррупцияга қарши курашиш бўйича республика идоралараро комиссиясининг ягона мувофиқлаштирувчи органидир) тўртинчи хатбоши деб ҳисобланади.

    8-модданинг учинчи қисми амалдаги таҳририга кўра, Ўзбекистон Республикаси Бош прокуратураси:
    - Ҳуқуқбузарликлар профилактикаси ва жиноятчиликка қарши курашиш бўйича республика идоралараро комиссиясининг;
    - Вояга етмаганлар ишлари бўйича республика идоралараро комиссиясининг;
    - Одам савдосига қарши курашиш бўйича республика идоралараро комиссиясининг;
    - Коррупцияга қарши курашиш бўйича республика идоралараро комиссиясининг ягона мувофиқлаштирувчи органидир.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » «Прокуратура тўғрисида»ги қонунга ўзгартиш киритилади