06:30 / 05.10.2019
2 759

Комил Алламжонов: «Ташкилотлар ишлаяпти, лекин уларнинг иши кўринмаяпти»

Комил Алламжонов: «Ташкилотлар ишлаяпти, лекин уларнинг иши кўринмаяпти»
Фото: Ахборот ва оммавий коммуникациялар агентлиги
Бугун, 4 октябрь куни, Ахборот ва оммавий коммуникациялар агентлигида давлат ташкилотлари матбуот хизматлари фаолиятига бағишланган мажлис ўтказилди. Унда Ахборот ва оммавий коммуникациялар агентлиги раҳбари Комил Алламжонов, раҳбар ўринбосари Саида Мирзиёева ва ахборот хизматлари раҳбарлари қатнашдилар.

Тадбирда давлат органларининг матбуот хизматлари фаолиятига доир қатор танқидий муносабатлар билдирилди. Агентлик раҳбари бу йўналишда ахборот сиёсати тўғри ташкил қилинмаганлиги, бугунги медиа макон талабларига тезкорлик билан реакция берилмаётганлигини алоҳида таъкидлаб ўтди.

“Шу кунгача 25 та ташкилотда ахборот хизматлари бўлмаган. Ахборот хизмати раҳбарлари Президент қарорида асосида ишлаши керак. Сизнинг мақомингиз раҳбар ўринбосарига тенглаштирилган. Шундай экан, ташкилотингизда йўл қўйилган камчиликларни раҳбариятга айтишингиз, ҳал қилиш йўлларини биргаликда қидиришингиз зарур. Бу ерга 78 та ахборот хизматлари раҳбарлари йиғилган. Уларнинг ҳар бири кунига битта хабар берса ҳам медиа макон шунча ахборот билан тўйинади. Ахборот уруши кетаётган пайтда бу жуда муҳим ва долзарб масала.

Барча ташкилотларда раҳбарлар кун-у тун тинмай ишлаяпти. Лекин уларнинг иши сиз томонингиздан кўрсатиб берилмаяпти. Натижада, жамоатчиликда ҳеч қайси орган ишламаяпти экан, деган салбий фикрлар уйғоняпти. Бу вазиятга сиз ва биз айбдормиз”.

Алламжоновнинг таъкидлашича, ахборот хизматлари бугунги ахборот маконида юз бераётган воқеа-ҳодисаларга оператив тарзда муносабат билдира олиш кўникмасига эга эмас. Бунга сабаб бу йўналишда кадрлар танқислиги борлиги айтилди.

Алламжонов қатор вазирлик ва ташкилот ахборот хизматлари ҳар ойда тузилма фаолияти ҳақида халққа ахборот беришга хизмат қилувчи пресс-конференциялар ўтказиши, ягона медиа режа ишлаб чиқиш зарурлигини айтиб ўтди.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » Комил Алламжонов: «Ташкилотлар ишлаяпти, лекин уларнинг иши кўринмаяпти»