Ахборот ва оммавий коммуникациялар агентлиги раҳбарлари Комил Алламжонов ва Саида Мирзиёева айни пайтда Бирлашган Араб Амирликларида бўлиб турибди.
Делегация бугун, 14 октябрь куни БАА бош вазири ўринбосари, Ички ишлар вазири Шайх Сайф бин Зойд Ол Наҳаён билан учрашган. Бу ҳақда агентлик директори ўринбосари Саида Мирзиёева маълум қилди.
«Суҳбат чоғида Шайх Сайф Ол Наҳаён Амирликлар Ўзбекистон халқи ва ҳукуматига нисбатан чуқур ҳурматда экани ҳамда барча соҳаларда мамлакатимиз билан яқин ҳамкорлик алоқаларини ўрнатишга тайёрлигини билдирди», – дея қайд этди Мирзиёева ижтимоий тармоқлардаги саҳифаларида.
Маълумот учун, Шайх Сайф бин Зойд Ол Наҳаён – БААнинг илк президентининг ўғли. У 2004 йилдан буён ички ишлар вазири лавозимида ишлаб келади.
АОКА раҳбарияти вакиллари душанба куни, шунингдек, БАА Вазирлар Маҳкамаси ишлари бўйича ва келажак вазирлиги ҳузуридаги Маҳкама Бош котибияти вакиллари билан ҳам учрашган.
«Вазирлар Маҳкамаси Бош котиби Абдулла бен Тоук ахборот соҳасидаги тажрибаси билан ўртоқлашди. Хусусан, мамлакатнинг халқаро имижини яхшилаш бўйича БААда йўлга қўйилган ишлар, амалга оширилаётган лойиҳалар бизда илиқ таассурот қолдирди», – деб ёзади Саида Мирзиёева.
«Ўйлайманки, халқаро медиа майдонида ўз нуфузига эга Амирликлар тажрибаси мутахассисларимиз учун фойдали бўлади», – деб қўшимча қилган у.
Эслатиб ўтамиз, Ўзбекистон президенти Шавкат Мирзиёев шу йил март ойида БААга бир неча кунлик давлат ташрифи билан борган, унда 10 млрд доллардан зиёд қийматдаги инвестиция келишувлари имзоланган эди. Ташриф доирасида давлат раҳбари БАА ички ишлар вазири Шайх Сайф бин Зойд Ол Наҳаён билан ҳам учрашганди. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ортиқча вазнли инсонлар учун соғлом овқатланишнинг бешта муҳим қоидаси
Велосипедда сайр қилиш учун 3 сабаб: ёшартиради, оздиради ва умрни узайтиради
Владимир Путин «Крокус»да содир этилган теракт учун ўч олишга чақирди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Қайси кундалик одатлар иммунитет пасайишига олиб келишини биласизми?
Тошкентда 02 кодли авторақамлар тахминан қачон пайдо бўлиши айтилди
Сариқми ёки яшил: қайси турдаги банан фойдалироқ?
Лукашенко Ғарбга таҳдид билан чиқди
