2 583
Ўзбекистон Республикасининг фуқаролик қонунчилигини такомиллаштириш: асосий йўналишлар ва янгиликлар
Жорий йилнинг 30 октябрь куни Адлия вазирлиги ҳузуридаги Ҳуқуқий сиёсат тадқиқот институти томонидан “Ўзбекистон Республикасининг фуқаролик қонунчилигини такомиллаштириш: асосий йўналишлар ва янгиликлар” мавзусида давра суҳбати ўтказилди.
Давра суҳбатида Германиянинг Бремен университети профессори Рольф Книпер, АҚШ Халқаро Ривожланиш Агентлиги (USAID) ва Германия Халқаро Ҳамкорлик Жамияти (GIZ) экспертлари, шунингдек Тошкент давлат юридик университети ҳамда Жаҳон иқтисодиёти ва дипломатия университети профессор ўқитувчилари ва бошқа юқори малакали экспертлар, турли соҳалар вакиллари иштирок этдилар.
Тадбир давомида Ўзбекистон Республикаси Президентининг 2019 йил 5 апрелдаги Ф-5464-сон Фармойишига мувофиқ олиб борилаётган Ўзбекистон Республикасининг фуқаролик қонунчилигини такомиллаштириш ишларнинг бориши бўйича масъулларнинг тақдимотлари тингланди, фуқаролик қонунчилигини халқаро стандартлар талабларига мувофиқлаштириш, мулкдорлар ҳуқуқлари ҳимоясини кучайтириш, иқтисодиётда хусусий мулкнинг устувор ролини таъминлаш, ишбилармонлик муҳитини ва инвестицион иқлимни яхшилаш учун зарур чора-тадбирлар ва бошқа масалалар муҳокама қилинди.
Шартномалар шаклларини қайта кўриб чиқиш, юридик шахслар ташкилий-ҳуқуқий шаклларининг турларини камайтириш, криптовалюта, блокчейн каби тушунчаларни фуқаролик қонунчилигига киритиш, қимматли қоғозлар соҳаларига таклиф қилинаётган янгиликлар иштирокчилар ўртасида қизғин баҳс ва мунозараларга сабаб бўлди.
Ўзбекистон Республикаси Фуқаролик кодексининг янги таҳририни ишлаб чиқиш, ушбу соҳадаги бошқа қонун ҳужжатларини такомиллаштириш ишлари давом этмоқда. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда ўтган уч ойда қанча автомобиль ишлаб чиқарилган?
Америкалик олимлар барча учун бирдек фойдали жисмоний фаоллик турини аниқлади
Қайси кундалик одатлар иммунитет пасайишига олиб келишини биласизми?
Россия дунёдаги биринчи водород ёқилғили автомобилни тақдим этди
Эрон президенти жиддий баёнот берди: «Исроилдан ҳеч нарса қолмайди»
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Сариқми ёки яшил: қайси турдаги банан фойдалироқ?
Германияда мактаб ўқувчилари оммавий равишда ислом динини қабул қилмоқда