21:33 / 02.11.2019
3 376

Қамчиқ довонида «Кобалт» ва «Жигули» ҳандаққа тушиб кетди

Қамчиқ довонида «Кобалт» ва «Жигули» ҳандаққа тушиб кетди
Фото: ФВВ
Қамчиқ довонидаги «Тошкент-Ўш» автомобил йўлида икки автомобилнинг йўл четидаги ҳандаққа тушиб кетиши ҳолати рўй берди. Бу ҳақда ФВВ хабар берди.

Бугун, 2 ноябрь куни соат 03:30ларда «Қамчиқ» махсус қидирув-қутқарув бошқармаси навбатчилик қисмига Қамчиқ довонидан «Водий-Тошкент» йўналишида ҳаракатланган, 1980 йилда Сурхондарё вилоятида туғилган Н.О. бошқарувидаги «Кобалт» русумли автомашина А-373 «Тошкент-Ўш» автомобил йўлининг 204.1 км.да бошқарувни йўқотиб, йўл четидаги ҳандаққа (кюветга) тушиб кетганлиги тўғрисида хабар келиб тушди. Бунинг оқибатида, машина салонидаги 3 нафар йўловчи турли даражадаги тан жароҳатини олган.

Мазкур вазият бўйича «Қамчиқ» махсус қидирув-қутқарув бошқармасининг 2-назорат гуруҳи қутқарувчилари воқеа жойига тезкорлик билан етиб боришади ва жароҳатланган фуқаролар — Қ.М., (бош мия чайқалиши), К.С., (қорин қисмида ва ўнг қўл шикастланиши), Н.Р. (ўнг қўл билак соҳаси ёпиқ синиши)ларга биринчи тиббий ёрдам кўрсатилади. Сўнг улар Ангрен марказий шифохонасига етказилади.

Фото: ФВВ
Бундан ташқари, шу куннинг ўзида, яъни тонги соат 04:51 ларда Қамчиқ довонидан «Водий-Тошкент» йўналишида ҳаракатланган, 1999 йилда Фарғона вилояти Боғдод туманида туғилган Н.М. бошқарувида бўлган «Жигули» русумли автомашина А-373 «Тошкент-Ўш» автомобил йўлининг 222 км.да бошқарувни йўқотиб, йўл четидаги ҳандаққа тушиб кетган.

Воқеа жойига «Бешқўл» навбатчилик масканидан катта лейтенант И.Бўтабоев бошчилигида 2 нафар қутқарувчилар етиб бориб, жароҳатланган фуқаро Б.А.га биринчи тиббий ёрдам кўрсатилган ҳамда у ҳам Ангрен марказий шифохонасига етказилган.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » Қамчиқ довонида «Кобалт» ва «Жигули» ҳандаққа тушиб кетди