Малибу кимнинг пулига олингани «ҳокимлик сири» – Бор гап шу...

Сўнгги пайтларда вилоят ҳокимлари томонидан йиғим-теримда фаол қатнашган пахтакорларга машина совға қилингани ҳақида кўплаб хабарлар тарқатилди. Даракчи нашрининг ёзишича, кенг жамоатчилик ушбу совғалар қайси манба, қайси маблағ эвазига берилаётгани билан қизиқмоқда.

Фарғона вилояти ҳокими Шуҳрат Ғаниев кластер усулида пахта етиштирган тадбиркорнинг онасига “Малибу” совға қилган эди. Журналистнинг ушбу совға қайси манбадан экани борасидаги саволига вилоят ҳокимлиги матбуот хизмати раҳбари “Бу вилоят ҳокимлигининг ички сири, мен ошкор этолмайман”, деб жавоб берган.

“ОАВда тарқалаётган ахборотларда кластер корхоналари ва уларнинг саховатпеша раҳбарлари номи ёзилмай, аксинча, “ҳокимнинг совғаси” сифатида талқин қилиниб, ҳокимлар “сахий қаҳрамон” сифатида кўрсатилмоқда. Бу эса кенг жамоатчиликда турли шубҳа ва саволларни туғдиряпти”, деб ёзади нашр. «Замин»ни Telegram’да ўқинг!