Букмекерлик — миллат учун катта фожиа

Мен букмекерликнинг легаллашишига қаршиман. Буни касбим томондан асосли тарзда тушунтириб бераман:
Халқимизнинг ҳозирги паллада иқтисодий жиҳатдан топаётган даромадлари кўп эмаслиги сир эмас. Шундай экан, букмекер хизматларига кўпчилик қизиқмайди. Қизиқадиганлар озчиликни ташкил қилади.

Қизиқмасликнинг асосий сабаби:
1. Интернет орқали кўп ҳаракатларни амалга ошириш керак. Бу ноаниқ нарсага, ишончсиз ташкилотга пул тикишдир, шубҳали амалдир.
2. Эркин ва ҳамма ҳам фойдалана олмаслмиги.

Футболни ривожлантириш баҳона бўлолмайди. Футболни ривожлантиришни аввало яхши ўйнашдан бошлаш керак. Бу спорт турига усиз ҳам керагидан кўп пул сарфланмоқда. Натижа йўқ, қимматга тренерлар сотиб олиб, пул ювилмоқда.

Энди бевосита букмекерлик нега фожиа эканини тушунтириб бераман:

1. Юқорида таъкидлаганимдек, одамлар ставка қилишлари учун барьерлар борлиги учун халқ ушланиб турибди. Агар биз бу тўсиқни очиб қўйсак, биринчи ўринда кунини зўрға кўраётган қатлам ўйнашни бошлайди, чунки бошида ютиб олгандан сўнг азартга кириши табиий. Лекин ставкаларда ютгандан кўра ютқазгани кўп бўлади ва албатта ютган ҳам узоқ ўйнаганда ютқазади.

Азартга кирган истеъмолчи топган пулини тикишни бошлайди, оиласини, фарзандларини, рўзғорини ўйламай қўяди, ичишни бошлайди, кунини букмекер конторасида ўтказади.

Эътибор беринг, нега қуйи қатлам муккасидан кетади?

2. Қуйи қатлам муккасидан кетишини сабаби, иқтисодий ночорлиги ва тез бойиб кетиш мотивацияси, осон пул деб ўйлашидир.

3. Омил эса, эркинлик берилгандан сунг букмекерлик компаниялари рекламанинг ҳамма туридан фойдаланиб, ҳамма жойни эгаллаб, аҳолининг миясини бошқара бошлайди.

4. Фирибгарлар пайдо булади, уларни "капер"лар дейишади. Улар биз сизга тез пул топишни ўргатамиз шаклида пропаганда қилади. Улар психологик бошқарув усулидан (НЛП — нейро-лингвисттическое программирование) фойдаланади.

Бой ҳаёт тарзини кўрсатиш, мен фалонча пул топаяпман деб ёлғондан таъкидлаш, ижарага иномарка, уйлар ва ҳоказо чиройли суратларни кўз-кўз қилиш билан мақсадга эришмоқчи бўлишади. Ва, албатта, муваффақиятли прогнозларни таклиф қилишади: худдики уларда таҳлилчилар бор ва улар сизга прогноз таклиф килади, аслида эса пулингизга куйган бўласиз.

Энг ачинарлиси, уларни топиш ва қонун томондан жазолаш, исботлаш ҳам жудаям қийин.
Илтимос, футболни ривожлантириш ниқоби остида халқни пароканда қилманглар.

Азико Мадаминов

Манба: Sof.uz