Ярим соат аввал "Ўзбекистон-24" каналининг "Ҳалқаро пресс клуб" дастурида партиялар дебати бўлди. Жонли эфирда беш партия анча талашди. Энг кўп ўзаро талашгани ЎзЛиДеП ва Миллий Тикланиш бўлди. ХДП вакили: "шу беш йилда, сиз - икки партия Демократик Блок тузиб, бирга бўлдиларинг. Ҳозир нега бунақа томошо кўрсатаяпсилар?!" деб, ҳайрон бўлди.
ЎзЛиДеП – либерал партия. Миллий Тикланиш – консерватив. Лекин, иккала партия ҳам ўнг қанотда жойлашган. ЎзЛиДеП – иқтисодий ўнг қанотда, Миллий Тикланиш – маданий ўнг қанотда. Шу нуқтаи назардан, уларнинг иттифоқ қуришига асос бор эди. Лекин, бизнинг партиялар “ўнглар ва сўллар” тизимини яхши тушунишмайди. Бу позицияларни тушунган партия вакиллари ҳам ўз мафкураларида муттасил туриша олмайди.
Дебатда “мажоритар” сайлов тизимидан “партиялар рўйхати” сайлов тизимига ўтиш муҳокама қилинди. Бу тизимга ўтишга кўпроқ ЎзЛиДеП қарши чиқди, бу партия вакили “аралаш тизим бўлсин” деди. ЎзЛиДеП партиявий рўйхатлардан қўрқяпди.
Агар партиялар рўйхатига ўтилса, партиялар ва парламент, ҳақиқатда жонланиши керак деб ўйлайман. Айни пайтда, Ўзбекистон ичидаги танишларимни айтишича, туман ҳокимликларида аниқ номзодлар учун овоз тўплаш, сайлов куни уларни ютуғини таъминлаш вазифалари қўйилмоқда. Бу танишларим ушбу тизимларда ишлайдиган одамлар.
Сайловлар – бу ижтимоий-сиёсий келишув. Демократик сайловларда, партиялар ва номзодлар, одамларнинг ваколатини олиш учун, жамиятнинг муаммоларини малакали олиб чиқишади ва бу муаммоларга малакали ечим таклиф қилишади. Шу ҳисобига, демократик давлатларда сиёсий тафаккур ниҳоятда ривожланган бўлади, ҳар қандай инқирозлар вазминлик билан, муттасил ҳал қилиб борилаверади. Ҳокимларнинг бу тизимга аралашиши – коррупция ва қолоқлик ифодаси ҳисобланади. Натижада, жамият ютқазади, давлат ютқазади.
Камолиддин Раббимов
Эслатма: Муаллиф фикри таҳририят нуқтаи назарини ифодаламаслиги мумкин.
Манба: Sof.uz “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ортиқча вазнли инсонлар учун соғлом овқатланишнинг бешта муҳим қоидаси
Қайси кундалик одатлар иммунитет пасайишига олиб келишини биласизми?
Эрон президенти жиддий баёнот берди: «Исроилдан ҳеч нарса қолмайди»
Сариқми ёки яшил: қайси турдаги банан фойдалироқ?
Германияда мактаб ўқувчилари оммавий равишда ислом динини қабул қилмоқда
Тошкентда 02 кодли авторақамлар тахминан қачон пайдо бўлиши айтилди
Россия дунёдаги биринчи водород ёқилғили автомобилни тақдим этди
Пиёда юриш ва боғдорчилик билан шуғулланиш депрессияга чалинишни 23 фоизга камайтиради