
Тошкент метрополитенида ички ишлар ходимлари қуршовида қолган "Жокер" фотоси ўзбек ижтимоий тармоқларида шов-шувларга сабаб бўлди.
«Gazeta.uz» нашри милиция ходимларининг йигитни нима учун ўраб олгани ва Жокернинг метродаги бошқа саргузаштлари ҳақида маълумот берган. Нашр Тошкент метрополитени ички ишлар бошқармаси Олег Биченовдан олган ахборотга кўра, ички ишлар органлари ходимлари йигитнинг нима сабабдан бундай кийиниб, грим қилиб олганини суриштирган ва ундан ҳеч қандай ҳужжат талаб қилмаган.
«Ҳужжатларни текшириш ўтказилмади. Ходимлар унинг метронинг оддий йўловчиси эканлигини ва чиқиш қилишга кетаётганини аниқлаганларидан сўнг масала ҳал бўлди. Бунга қандайдир бир салбий изоҳ беришнинг ҳожати йўқ. Агар кимдадир бирон бир савол ва эътироз бўлса, биз буни муҳокама қилишга тайёрмиз», — деди метрополитен ИИБ бошлиғи.
«Gazeta.uz»нинг Instagram’даги саҳифасида йигит билан милиционернинг бирга селфи қилаётгани ҳақида сурат ҳам жойлаштирилган.
Тодд Филлипснинг «Жокер» фильми психологик триллер жанрида бўлиб, суперразил Жокернинг ҳаётидан ҳикоя қилади.
Фильм 2019 йилнинг 31 августида премьера қилинди. «Жокер» 17 ёшдан катталар учун мўлжалланган фильмлар орасида энг кассабоп кино сифатида тарихга кирди.
Warner Bros. студияси томонидан ишланган «Жокер» фильми Америка киноакадемияси мукофотининг 16 та асосий номинациясига даъвогарлик қилмоқда.
«Жокер» «Энг яхши фильм», «Энг яхши режиссёр», «Энг яхши сценарий», «Энг яхши эркак роли» (Хоакин Феникс), «Иккинчи пландаги энг яхши эркак роли» (Роберт де Ниро), «Энг яхши визуал эффектлар», «Энг яхши монтаж», «Энг яхши саундтрек», «Энг яхши грим» ва бошқа номинацияларда кураш олиб бориши кутилмоқда.
«Оскар» учун даъвогар фильмларнинг расмий рўйхати 2020 йилнинг 13 январида эълон қилинади. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар