Сурхондарё вилояти экология ва атроф-муҳитни муҳофаза қилиш ҳамда вилоят ички ишлар бошқармаси ходимлари томонидан ўтказилган қўшма тадбирда Ангор туманидаги Янгиобод маҳалласида яшовчи А.Н. “Қизил китоб”га киритилган 1 бош бурамашохли эчки (морхӯр) ва 1 бош тоғ қӯйини ноқонуний тутқунликда сақлаб келаётгани аниқланди.
– Мамлакатимизда ҳайвонот олами ҳам тегишли қонунлар билан муҳофаза қилинади, – дейди вилоят экология ва атроф-муҳитни муҳофаза қилиш бошқармаси матбуот хизмати раҳбари М. Нурматов. – Шу боис бирон қонуний тўхтамга келгунча парваришлаб туриш учун улар Термиз ҳайвонот боғига топширилди.
Бу ерда жониворлар тегишли клиник ветеринар кўригидан ўтказилди. Кўрик жараёнида тахминан уч ёшлардаги эркак жинсли бурамашохли эчки ва урғочи тоғ қўйининг орқа ўнг оёқлари оқсаётгани, бироқ, иштаҳаси яхшилиги аниқланди.
Мутахассислар хулосасига кўра, жониворлар даволаш учун алоҳида валерда сақланиб 30 кунлик карантин кузатувига олинди.
– Туёқлилар бўлимига келтирилган мазкур жониворларни ветеринария-санитария қоидаларига мувофиқ сақлаш ва парваришлаш учун энг тажрибали ишчиларни бириктирдик, – дейди ҳайвонот боғи директори Ш.Улашов. – Айни пайтда аҳволи яхши. Оқсаётган оёқлари ҳам анча тузалиб қолди.
Тутқунликдан қутқарилган морхўр ва тоғ қўйи меҳр билан парвариш қилиниб, мутахассислар назоратида сақланаётир.
Айни пайтда Термиз ҳайвонот боғида 127 турдаги 763 бош жонивор мавжуд. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Кальяри” Шомуродов бўйича бир қарорга келди
Ҳусийлар Россия нефтини олиб кетаётган кемага ракеталар учирди
Ўзбекистон U-23 терма жамоаси Индонезияни мағлуб этиб, финал ва Париж Олимпиадаси йўлланмасини қўлга киритди
Олмаотада ўликхона қўриқчиси жасадларни зўрлаганликда гумон қилинмоқда
Тошкентда «права» олиб бериш билан боғлиқ фирибгарлик ҳолатлари фош этилди
Президент Олимпиадага йўлланма олган футболчиларга табрик йўллади
Осиё кубоги: Ўзбекистоннинг ғалабасига хориждан қандай муносабат бўлмоқда?
Хитойда автомобиль йўлининг ўпирилиши оқибатида камида 24 киши ҳалок бўлди