Иқтисодчи ва фармацевт Аброрбек Дадамирзаев тиббиёт ниқобларини сотаётган ва сотиб олаётган ҳамюртларимизга ўз маслаҳатларини берди.
Экспертнинг маълум қилишича, стандарт, вирусдан ишончли ҳимоя хусусиятига эга бўлган бир марталик тиббиёт ниқоби қуйидагича бўлади:
3 қаватли, биринчи ва учинчи (яъни ташқи) қаватлари спанбонд “SMMS” мато бўлади. Бу мато жуда юмшоқ, аллергия қўзғаши кам ва бурунни шилмайди. Иккинчи (яъни ўрта фильр вазифасини бажарувчи) қавати “медблаун“ бўлади.
Медблаун — кўринишидан юмшоқ қоғозга ўхшаш, нотўқима, вирус ушлаш хусусиятига эга материал. Медблаунни синов учун ёқиб кўрсангиз, эримайди ёки ёнмайди, худди парлангандек йўқ бўлиб кетади.
Эсда тутинг: Кўринишидан “SMMS”га ўхшаган матолар кўп. Булар “S” ва“SS” спанбонд материалларидир (p/s: костьюмни ғилофи “S” ва “SS”дан тикилади). “Медблаун“, яъни фильтр қават ўрнига ҳам “S” материалнинг оқ ранглисини ёки нам салфетканинг материалини қўйиб тиббиёт ниқобини тикишмоқда. Бу каби тиббиёт ниқобларининг ҳимоя ҳусусияти жуда кам.
Илож борича дастгоҳ ёки конвейер усулда, санитария-гигиена талабларига жавоб берадиган шароитларда ишлаб чиқарилган тиббиёт ниқобларини тақинг, саломатлигингиз ўзингиз учун бебаҳо неъматдир. Қўлбола усулда, текширилмаган шароитларда, ҳар ким қўли билан ушлаб тиккан 1 ёки 2 қаватли фильтрсиз тиббиёт ниқобларини сотиб олишдан эҳтиёт бўлинг.
Стандарт талабларга жавоб берадиган тиббиёт ниқобларининг махсус бланкда чоп этилган ва муҳр босилган “санитар-эпидемиологик хулоса“си бўлади, шуни сўраб, текшириб олишга ҳаққингиз бор.
Эслатиб ўтамиз: 3 қаватли, ўртасида фильтри бор маска энг ишончлисидир.
Стандарт тиббиёт ниқобларини сотувдан топа олмаган тақдирингизда, ўзингиз уй шароитида тиббий докадан камида 4 қават қилиб ниқоб тикиб, асептик усулда зарарсизлантириб таққанингиз маъқул.
Бошқалар тикиб сотаётган докали ниқобларга ҳам ишонманг, дейди фармацевт Аброрбек Дадамирзаев. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ортиқча вазнли инсонлар учун соғлом овқатланишнинг бешта муҳим қоидаси
Велосипедда сайр қилиш учун 3 сабаб: ёшартиради, оздиради ва умрни узайтиради
Владимир Путин «Крокус»да содир этилган теракт учун ўч олишга чақирди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Қайси кундалик одатлар иммунитет пасайишига олиб келишини биласизми?
Тошкентда 02 кодли авторақамлар тахминан қачон пайдо бўлиши айтилди
Сариқми ёки яшил: қайси турдаги банан фойдалироқ?
Лукашенко Ғарбга таҳдид билан чиқди
