Карантин чораларини ҳар 1,5-2 йил ичида янгилашга тўғри келади

^{Фото: AFP}
Ҳарвардлик олимлар коронавирус пандемиясининг ривожланиш траекториясини моделлаштиришди ва келаси йил ҳамда 2022 йилнинг бир қисмида вақти-вақти билан, асосан совуқ ойларда, карантинга қайтиш талаб этилади, хулосага келишди.

Ҳарвард университети тадқиқотчилари касаллик мавсумий бўлиши шароитида, COVID-19 ривожланишининг эҳтимолий вариантларини таҳлил қилишди. Уларнинг аниқлашича, бир марталик масофавий чоралар SARS-CoV-2 тарқалишини камайтириш ва уни АҚШ соғлиқни сақлаш тизимининг имкониятлари чегарасида ушлаб туриш учун етарли эмас, деб хабар бермоқда Science Alert.

«Бошқа даволаш турлари йўқ бўлгани сабабли, вақти-вақти билан ижтимоий масофа сақлаш чораларини жорий этиш талаб қилинади», - дейди тадқиқот муаллифи Стивен Кислер журналистларга.

Корхоналар, дўконлар ва фабрикаларни яна айнан қачон ёпиш кераклигини аниқлаш учун кенг қамровли тест ўтказиш керак. Карантиннинг давомийлиги ва жиддийлиги дори-дармонлар ҳамда вакциналарнинг мавжудлигига қараб фарқ қилиши мумкин.

Бироқ, аҳоли эмланмагунча, вақти-вақти билан карантин касалхоналарга вақтдан ютишга ва оғир касал беморларнинг кўпайиб кетмаслигига имкон беради. Аҳоли эса, шу билан бирга, аста-секин оммавий иммунитетни ривожлантиради.

Шуни таъкидлаш керакки, карантин ҳаддан ташқари узоқ давом этиши ҳам мумкин ва бу салбий таъсир қилади. Олимлар томонидан моделлаштирилган сценарийлардан бирининг кўрсатишича, бу ҳолатда одамларда умуман иммунитет ривожланмайди. Шунинг учун оралиқ вариант керак.

Тадқиқот муаллифларининг тан олишича, унинг асосий камчилиги - бу вирус ҳақида жуда кам маълумот мавжудлиги, касал бўлганларда иммунитет қанчалик кучли эканлиги ва унинг давомийлиги қанча бўлиши номаълумлиги. Агар янги коронавирус ўзини худди SARS сингари тутса, унда ўртача икки йил кутиш керак. Аммо, антитаналар тузалиб кетган ҳаммада ҳам ишлаб чиқилмаслиги ҳақида далиллар мавжуд. “Замин” янгиликларини “Twitter”да кузатиб боринг