Навоийда кучли сел туфайли 300 киши эвакуация қилинди

Жорий йилнинг 13 май куни тахминан соат 02:30дан 04:30 гача бўлган вақт оралиғида Навоий вилояти Зарафшон шаҳрида кучли ёғингарчилик сабабли сел келиши кузатилган. Бу ҳақда ФВВ матбуот хизмати хабар қилди.

Бирламчи маълумотларга кўра, сел оқибатида 4 хонадон қисман зарар кўрган.

Вазият юзасидан Навоий вилояти Фавқулодда вазиятлар бошқармасининг 9 та техникаси ва 70 нафар шахсий таркиби зудлик билан воқеа жойига етиб бориб, 300 нафар фуқарони хавфсиз ҳудудга эвакуация қилди.

Ўз вақтида кўрилган тезкор чоралар натижасида фуқароларнинг ҳаёти сақлаб қолинди. «Замин»ни Telegram’да ўқинг!