Фото: ССВ матбуот хизмати
Соғлиқни сақлаш вазирлиги коронавирус инфекциясига қарши курашда иштирок этаётган ҳамширалардан бири ҳақида маълумот берди.
Вазирликнинг маълум қилишича, Ўзбекистонда операцияларни муваффақиятли ўтказиш жараёнидан тортиб, операциядан кейинги бемор парвариши, лаборатория-диагностика соҳаси, она-бола парвариши, шошилинч ва тез тиббий хизмат, санитария-эпидемиология, фармацевтика каби қатор соҳаларида 300 минг нафардан зиёд ўрта тиббиёт ходимлари, ҳамширалар фаолият юритиб келмоқда. Айни кунларда мамлакатда коронавирус инфекциясига қарши курашда 50 минг нафардан зиёд ҳамшира иштирок этмоқда.
«Ана шундай фидойи ҳамширалардан бири Тошкент тиббиёт академияси кўп тармоқли тиббиёт клиникаси ходими Фотима Ҳусановадир. Кўп йиллик тажрибага эга ҳамшира ўтган бир ой ичида коронавирусга чалинган 43 нафар беморнинг бутунлай соғайишига муносиб ҳиссасини қўшди.
Фотиманинг юзида янгидан ҳосил бўлган чандиқлар ҳам ўз комбинезонини ечмасдан, ҳаёти ва соғлиғини гаровга қўйиб, кунни тунга улаб, қилган машаққатли ва матонатли меҳнатининг натижасидир», — дейилади хабарда.
«Шундай олижаноб касбни танлаганимдан фахрланаман, бу қийинчилик, синовлар ортда қоляпти, лекин ҳамкасбларим билан қисқа вақт ичида коронавирусга чалинган ўнлаб беморларнинг соғайиши, уларнинг ўзи ва оилаларининг қувончига сабаб бўляпмиз. Биз учун одамларимизнинг соғлом ва хушкайфиятда юришидан ортиқ бахт йўқ», — дейди Фотима Ҳусанова.
Эслатиб ўтамиз, Ўзбекистонда коронавирус инфекциясидан зарарланган беморлар билан мулоқотга киришадиган, зарарланган беморлар жойлаштирилган объектларда ҳамда коронавирус инфекциясини аниқлаш лабораторияларида фаолият олиб бораётган ўрта тиббиёт ходимларига, ҳамшира-лаборантларга ҳар 14 кунлик фаолият даври учун 15 миллион сўм миқдорида (солиқлардан ташқари) махсус қўшимча рағбатлантириш тўлови белгиланган. Шунингдек, беморлар билан ишлаш давомида коронавирус инфекциясини юқтириб олган тиббиёт, санитария-эпидемиология хизмати ва бошқа ходимларга 100 миллион сўмдан тўланади.
Коронавирус инфекциясига қарши курашиш доирасида беморлар билан ишлаган вақтида коронавирус инфекциясини юқтириш натижасида оғир аҳволга тушган ва соғлиғи тикланмаган тақдирда тиббиёт, санитария-эпидемиология хизмати ва бошқа ходимларга ёки уларнинг оила аъзоларига эса 250 миллион сўм миқдорида бир марталик тўловлар тўланади.
Ўзбекистонда Ўзбекистонда 13 май соат 10:00 ҳолатига кўра, коронавирус инфекциясини юқтириб олганлар сони 2568 нафарга, инфекциядан соғайганлар сони эса 2055 кишига етди. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
ОАВ: Марказий Осиё давлатлари дронлар билан қуролланмоқда
Ғазо аҳолиси ҲАМАСнинг тинчликка эришиш йўлидаги қарорини нишонлаш учун кўчаларга чиқди
Президент Мирзиёев Москва парадидаги иштирокидан сўнг Тошкентга қайтди
Освенцимда минглаб яҳудийлар «Тириклар марши» акциясини ўтказди
Россияда америкалик аскар ўғриликда айбланиб қўлга олинди
Лавров: “АҚШдаги демократлар ва республикачилар Россияни душман деб билади”
Лунин келажаги борасида бир қарорга келди
Си Жинпинг Европага ташриф буюрди. Унга Путиннинг «сояси» ҳамроҳлик қилмоқда
