Фото: «Sm-news.ru»
Тез-тез музқаймоқ ейиш зарарли дейишади. Кимларга мумкин эмас? Қандай вазиятларда тавсия этилмайди? «Sputnik» радиосига берган интервьюсида шифокор-терапевт, тиббиёт журналисти Ольга Кашубина шулар ҳақида маълумот берди.
Кунлар исий бошлагач, музқаймоқ ейиш урфга киради: ҳам мазали, ҳам ҳузурбахш. Айтишларича, кўп музқаймоқ ейиш зарарли экан.
«Музқаймоқнинг асосий зарари — таркибидаги қанд моддаси. Агар одам соппа-соғ бўлса, совуққа ҳеч қандай қарши кўрсатмаси бўлмаса, дейлик, тиш ёки милк касалликлари бўлмаса, бемалол ейиши мумкин. Фақат музқаймоқ еяётганда қанд миқдорини назорат қилишни унутмаслик керак. Шунчаки кунлик меъёрни ошириб юбормасликка ҳаракат қилинг. Агар овқатланиш тартибига амал қилаётган бўлсангиз, музқаймоқ миқдорини чеклашингизга тўғри келади. Бу ширин маҳсулот, уни десерт сифатида истеъмол қилиш лозим», — дея тушунтирди Ольга Кашубина.
Айнан таркибида кўп миқдордаги қанд туфайли музқаймоқ болаларнинг тишига зарар етказиши мумкин, дея огоҳлантирди мутахассис.
«Музқаймоқ соғлом тишларга салбий таъсир ўтказиб, кариесни келтириб чиқариши мумкин. Шу боис бола музқаймоқни егандан сўнг ҳеч бўлмаса тишларини яхшилаб тозалаб ювиш лозим», — дея тавсия қилади Ольга Кашубина.
Сутга аллергияси бор кишилар ушбу десертдан бош тортиши зарур. Ўзида лактоза ферменти етишмайдиган кишилар эса музқаймоқни чекланган миқдорда ейиши лозим.
«Агар сутга тоқат қилолмасангиз, яъни ўз лактоза ферментингиз етишмаса, музқаймоқ егандан сўнг ичакларда нохуш аломатлар пайдо бўлади. Бундай ҳолатда, яхшиси, оз миқдорда музқаймоқ еган маъқул. Сутга аллергиянгиз бўлмаса, бунинг хавфли жойи йўқ. Одатда сутга аллергияси бор одамлар ҳеч қачон музқаймоқ ейишмайди», — дея изоҳлади Ольга Кашубина.
Кашубинанинг таъкидлашича, музқаймоқ туфайли шамоллаб қолиш эҳтимоли жуда кам.
«Музқаймоқ кескин ҳарорат ўзгаришидан шамоллаб қолиши учун тана ҳароратини бирданига пасайтира олмайди. Овоз хиралашиши товуш пайчалари совқотиши билан боғлиқ. Бу саломатлик учун хатарли эмас, ҳол-аҳволга ҳам таъсир ўтказмайди», — деди Ольга Кашубина. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Реал Мадрид» устози Карло Анчелотти кечаги ғалабадан сўнг нималар деди?
“Толибон” Эроннинг Исроилга қарши ҳужумини қўллаб-қувватлади
Бухоро вилоятида «Нексия-3» автомашинаси букланиб қолди
Давлат хавфсизлик хизмати маклерларга қўшиб мансабдорларни ҳам қўлга олди
Сирдарёда бюджетга жуда кўп миқдорда зарар етказган майнинг ферма аниқланди
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
Кепанинг 5 йил олдин кўрсатган "ҳунари" бугун "Реал"ни ярим финалга олиб чиқмоқда
