Ўзбекистонда коронавирусдан зарарланиш ҳолатлари сони 6200дан ошди

Соғлиқни сақлаш вазирлиги Ўзбекистонда яна 63 кишида коронавирус аниқлангани ҳақида хабар берди.
«2020 йил 21 июнь соат 10:00 ҳолатига кўра, Ўзбекистонда коронавирус инфекцияси қайд этилганлар сони 6216 нафарни ташкил этмоқда.

Янги касалланиш ҳолатларининг 48 нафари Карантин марказидаги фуқаролар орасида, 13 нафари Бухоро вилоятида (шундан 2 нафари коронавирусга чалинганлар билан мулоқотда бўлиб, карантинга олинган фуқаролар орасида, 11 нафари аҳоли орасида), 2 нафари Сирдарё вилоятида (шундан 1 нафари хориждан чегара пост орқали юртимизга кириб келган халқаро юк ташувчи автомашина ҳайдовчисида, 1 нафари аҳоли орасида) аниқланган», дейилади хабарда.

20 июнь куни жами 207та ҳолат қайд этилган (шундан 179 нафари карантин муассасаларида, 19 нафари аҳоли орасида, 9 нафари эса халқаро юк ташувчи автомашина ҳайдовчилари орасида), 17 бемор соғайди ва жами тузалганлар сони 4290 нафарга етди.
Айни вақтда шифохоналарда бемор даволанмоқда, улардан 15 нафари оғир, 1 нафари эса ўта оғир аҳволда. «Замин»ни Telegram’да ўқинг!