10:35 / 25.06.2020
1 539

Навоий вилоятида коронавируснинг янги ҳолатлари уч ҳудудда аниқланди

Навоий вилоятида коронавируснинг янги ҳолатлари уч ҳудудда аниқланди
Беморларнинг 3 нафари Навоий шаҳридан бўлиб, Хатирчи ва Кармана туманларидан 1 нафардан фуқаро ҳам инфекцияга чалинган.
Навоий вилояти Санитария-эпидемиологик осойишталик марказининг маълумотларига кўра, Навоий вилояти бўйича коронавирус инфекциясига чалинган фуқаролар умумий рўйхатда 280 нафар эканлиги қайд этилган.

Соғлиқни сақлаш вазирлиги томонидан янги касалланиш ҳолатларининг 5 нафари Навоий вилоятида коронавирусга чалинганлар билан мулоқотда бўлиб, карантинга олинган фуқаролар орасидан эканлиги маълум қилинган эди.

Навоий вилояти ҳокимлиги ахборот хизмати хабарига кўра, ушбу беморларнинг 3 нафари Навоий шаҳридан, Хатирчи ва Кармана туманларидан 1 нафардан инфекцияга чалинган.

Билдирилишича, ҳозирда ушбу беморлар билан мулоқотда бўлган фуқаролар белгиланган тартибда қатъий карантинга олинган.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)