Энди контракт тўлай олмаган талаба ўқишдан четлатилмаслиги мумкин

АОКАдаги брифингда олий ва ўрта махсус таълим вазири Иномжон Мажидов бу ҳақида маълум қилди.

Агар талабанинг вазияти оғир бўлса, талабанинг қурби тўлашга етмаса, олий ўқув юрти вазиятни ўрганиб чиқиб, шу талабага ёрдам бериб, контрактни қоплаш чораси кўрилади. Талаба эндиликда контрактни тўлай олмаса, у четлатилмайди, балки курсдан-курсга қолдирилиши масаласи кўриб чиқилади.

Маълумот учун, бунда ОТМ томонидан вазият тўлиқ ўрганилгач, қарор қабул қилинади.