2 303
Фарғонада 1.1 минг донадан зиёд уяли алоқа воситаларининг ноқонуний айланмасига чек қўйилди
Фарғона вилояти божхона бошкармаси Контрабандага қарши курашиш ва божхона аудити бўлими ходимлари томонидан уяли алоқа воситаларининг ноқонуний олиб кирилишига доир ҳолатларга чек қўйилди.
Давлат хавфсизлик хизмати Чегара қўшинлари ҳарбий хизматчилари билан ҳамкорликда ўтказилган тезкор тадбир давомида фуқаро Т.Э, бошқарувида чегарадош ҳудудда ҳаракатланиб кетаётган “Дамас” автотранспорт воситаси кузатувга олиниб, Фарғона шахрида тўхтатилади.
Автомашина холислар иштирокида ва белгиланган тартибда кўздан кечирилганида унинг салонида муқаддам қўшни давлатдан божхона назоратини четлаб, айланма йўллар орқали олиб кирилган ҳамда божхона расмийлаштирувидан ўтганлигини тасдиқловчи ҳужжатлари бўлмаган 2 турдаги 41 дона смартфонлар борлиги аниқланди.
Дастлабки ҳисоб-китобларга кўра ушбу алоқа воситаларининг умумий қиймати 106 млн. 500 минг сўмни ташкил қилмоқда.
Шунингдек, вилоятда ўтказилган яна бир тезкор тадбир давомида чегарадош ҳудуддан ҳаракатланиб келган фуқаро Х.Д. бошқарувидаги “Нексия-3” русумли автотранспорт воситаси кузатувга олинади.
Ҳайдовчи Данғара туманида фуқаро Р.М.нинг хонадонига етиб келган вақтида кузатувга олинганини сезиб қолади ва воеа жойидан яширинишга уринади.
Мазкур автотранспорт воситаси эса белгиланган тартибда ва холислар иштирокида кўздан кечирилганида, автомашина салони ва юкхонасида қиймати салкам 13 турдаги жами 580 дона уяли алоқа воситалари борлиги аниқланди.
Шунингдек, фуқаро Р.М.нинг хонадони ҳам амалдаги тартибларга мувофиқ кўздан кечирилганид бу ерда ҳам 2 турдаги 542 дона уяли алоқа воситалари ноқонуний равишда сақланаётганлиги аниқланди.
Ўтказилган тадбир давомида қонунбузарлардан ашёвий далил тариқасида олиб қўйилган 1122 дона уяли алоқа воситалари хорижда ишлаб чиқарилган бўлиб, уларнинг божхона расмийлаштирувини тасдиқловчи биронта ҳам ҳужжатлари мавжуд эмаслиги аниқланди.
Мазкур товар-моддий бойликларнинг умумий қиймати эса 200 млн. 495 минг сўмни ташкил қилмоқда.
Ҳозирда мазкур ҳолатлар юзасидан божхона текширувлари давом эттирилмоқда. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Тошкентда 02 кодли авторақамлар тахминан қачон пайдо бўлиши айтилди
Германияда ишлаш истагида бўлган ўзбекистонлик мутахассислар учун немис тили ўргатилади
Велосипедда сайр қилиш учун 3 сабаб: ёшартиради, оздиради ва умрни узайтиради
Учар автомобил йўловчи билан биринчи парвозини амалга оширди (видео)
Хитой АҚШни «қизил чизиқлар»ни кесиб ўтишдан огоҳлантирди ва «душман эмас, ҳамкор» бўлишга чақирди
Владимир Путин «Крокус»да содир этилган теракт учун ўч олишга чақирди
Америкалик олимлар барча учун бирдек фойдали жисмоний фаоллик турини аниқлади
“Толибон” Афғонистоннинг Хост вилоятида беш нафар фуқарони қамчи билан жазолади