18:00 / 03.10.2020
1 202

Бухорода пахта ортилган юк машинасининг тиркамаси ёниб кетди

Бухорода пахта ортилган юк машинасининг тиркамаси ёниб кетди
Бухоро вилояти Пешку туманида пахта ортилган юк машинасининг тиркамасида ёнғин содир бўлди, дея хабар бермоқда ЙҲХББ.
Қайд этилишича, 2020 йилнинг 2 октябрь куни соат 17:34 да Газли шаҳар ИИБ навбатчилик қисмига тушган хабарга кўра, Бухоро вилояти Пешку тумани ҳудудидан ўтувчи А-380 автомобиль йўлининг 393-километрида 1980 йилда туғилган ҳайдовчи А.Т. бошқарувидаги юк машинасининг тиркамасида ёнғин юзага келган. Ёнғин ўт ўчирувчилар томонидан бартараф этилган.

Ёнғин натижасида тан жароҳати олганлар йўқ. Фуқаро Ғ.Э.га тегишли бўлган тиркама ва унинг ичида бўлган паст навли пахта ёниб кетган.

Автомобиль тиркамаси пўлат устунларининг бир-бирига тегиб, механик учқун ҳосил қилиши, учқуннинг тез ёнувчи маҳсулот устига тушиши оқибатида ёнғин келиб чиққанлиги тахмин қилиниб, моддий зарар миқдори аниқланмоқда.

Ҳолат юзасидан Пешку тумани Фавқулодда вазиятлар бошқармаси ва ИИБ ЙҲХБ томонидан суриштирув ишлари олиб борилмоқда.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)