23:13 / 05.10.2020
1 447

ИИББ: Тўйдаги «ўқ узишлар» монтаж бўлиб чиқди

ИИББ: Тўйдаги «ўқ узишлар» монтаж бўлиб чиқди
Интернет тармоғида тўйдаги меҳмонлардан бири осмонга қарата тўппончадан ўқ узаётгани акс этган видео тарқалди.
Мазкур видео Тошкент шаҳар ИИББ томонидан ўрганилди, видеодаги одамларнинг, хусусан, ўқ узган кишининг шахси аниқланди.

Ўқ узган киши – Тошкент вилоятилик 25 ёшли Салихов Улуғбек эканлиги маълум бўлди. Унинг сўзларига қараганда, у қариндоши бўлмиш куёвга тўй куни куёв-жўралик қилган.

19 сентябрь куни куёв ва унинг дўстлари Чилонзор туманига келиннинг уйига келишганида, Улуғбек кейинчалик «қизиқарли ролик» тайёрлаш учун бозордан сотиб олган ўйинчоқ тўппончани осмонга кўтарган. Шу лаҳзалар видеооператорлар томонидан тасвирга туширилган.

4 октябрь куни кечқурун Улуғбекнинг ўзи видеони монтаж қилиб, ўқ узиш товушларини қўшган ва видеони инстаграмдаги саҳифасига жойлаган. Кейинчалик мазкур видеони интернетда тарқатган.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)