Фарғонада метанга навбат.
Олимжон Ҳайдаров фотоси.
Фарғона вилоятидаги автомобилларга газ тўлдириш шохобчалари 2020 йил 19 ноябрь куни умуман фаолият кўрсатмаган. Бунга заправкалар фаолиятига киритилган чекловлар сабаб бўлиши мумкин, дея хабар бермоқда «Дарё».
Қайд этилишича, Фарғонадаги 117 та автомобилларга газ тўлдириш шохобчалари 2020 йил 1 ноябрдан бошлаб тонг соат 06:00 дан кеч соат 18:00 гача ишлаш режимига ўтказилган.
Куз-қиш мавсумида аҳоли ва ижтимоий соҳа объектларини узлуксиз равишда табиий газ билан таъминлаш мақсадида автомобилларга газ тўлдириш шохобчаларига ҳар куни соат 18:00 дан тонгги соат 6:00 гача газ етказиб бериш вақтинча тўхтатилган.
Сўнгги кунларда вилоятдаги газ заправкалар олдида навбатлар юзага келишни бошлаган. Айримларида эса кундузи ҳам газ етказиб беришда соатлаб узилишлар кузатилмоқда.
Ҳайдовчиларнинг маълум қилишича, турнақатор навбатлар туфайли автомобилга газ тўлдириш учун икки-уч соат, баъзида беш-олти соат вақт кетмоқда.
Газ қуйиш шохобчаларидаги чекловлар бошқа вилоятларда ҳам ўрнатилмоқда. Хусусан куни кеча «Hududgaz Sirdaryo» газ таъминоти филиали Сирдарё вилоятида шу йилнинг 1 декабригача ҳудудда жойлашган автомабилларга газ қуйиш компрессор шохобчалари (АГТКШ)га етказиб берилаётган табиий газ таъминоти кеч соат 19.00 дан эрталаб соат 07.00 га қадар чекланишини маълум қилди. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Қайси кундалик одатлар иммунитет пасайишига олиб келишини биласизми?
АҚШнинг Ғазодаги сиёсатидан норози Давлат департаменти расмийси истеъфога чиқди
Германияда мактаб ўқувчилари оммавий равишда ислом динини қабул қилмоқда
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?
Тошкентда 02 кодли авторақамлар тахминан қачон пайдо бўлиши айтилди
Лукашенко Ғарбга таҳдид билан чиқди