1 январгача Сергели йўналиши бўйлаб метрода ҳаракатланиш бепул

Тошкент метрополитенининг Сергели йўналиши 26 декабрь соат 16:00 дан бошлаб хизмат кўрсата бошлади.

«Ўзбекистон темир йўллари» матбуот хизматининг хабар беришича, бугундан бошлаб 2021 йил 1 январь соат 8:00 гача ушбу йўналишнинг «Бекат-1», «Бекат-2», «Бекат-3», «Бекат-4», «Бекат-5» станцияларида ҳаракатланиш бепул бўлади. Бироқ бепул хизмат фақат янги йўналишдан транспортга чиқилганда амал қилади. Яъни агар йўловчи Чилонзор йўналишида транспортга чиққан бўлса хизмат пуллик бўлади.