14:20 / 17.01.2021
1 192

Бухоро вилоятида автобус ёниб кетди (фото)

Бухоро вилоятида автобус ёниб кетди (фото)
Бухоро вилоятида «Жондор» автотураргоҳида автобус ёниб кетди. Ҳодиса акс этган видео ижтимоий тармоқларда тарқалди.

ЙҲХББ матбуот хизмати берган дастлабки маълумотларга кўра, воқеа 17 январь куни соат 09:30 ларда, Бухоро вилояти, Бухоро туманида жойлашган «Жондор» автотураргоҳининг охирги бекатида юз берган. Ёнғин 1962 йилда туғилган З.О. бошқарувидаги 76-йўналишда ҳаракатланувчи Isuzu автобусда содир бўлган.

Фото: ЙҲХББ матбуот хизмати
Ёнғин натижасида тан жароҳати олганлар йўқ. Ёнғин ўт ўчирувчилар томонидан бартараф этилган. Автобуснинг айрим қисмлари ёнғиндан зарарланган.

Фото: ЙҲХББ матбуот хизмати
Мазкур ҳодиса юзасидан Бухоро тумани ИИБ ЙҲХБ ва ФВБ томонидан суриштирув ишлари олиб борилиб, ёнғин содир бўлиш сабабларига аниқлик киритилмоқда.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)