17:14 / 25.02.2021

Фарҳод Алимов Райҳондан аввал уч марта уйланиб, ажрашгани ҳақида сўзлаб берди

^{Фото: Instagram / @fara_alimov}
Шоумен Фарҳод Алимов «Salom live» YouTube каналига интервью берди. Интервьюда у хонанда Райҳон билан қандай танишгани ҳамда ундан аввал уч марта муваффақиятсиз турмуш қургани ҳақида сўзлаб берди.

«22 ёшимда онам уйлантириб қўйгандилар. Ўша пайтда роса мода бўлганди, ‘Яхши қиз экан, шифокор экан. Биз ҳам шифокормиз, шунга уйланасан’, дегандилар. Уйланганман, икки ойда ажрашиб кетганмиз. Кейин иккинчи марта уйланганман, 5 йил фарзанд бўлмаган, у билан ҳам дўстона ажрашиб кетганмиз. Учинчи марта уйланганимда уч фарзандли бўлдим, онамга набираларини кўриш насиб қилмаган экан. Катта қизим 14 га тўляпти, ўғлим 13, кичкина қизим 8 га тўлади, Райҳоннинг ўғилчалари майда 7 га тўлади. Ҳозир беш фарзанднинг ота-онаси бўлиб юрибмиз», — дейди Фарҳод Алимов.

«Райҳон билан туғилган кунида танишганмиз. Рашид Холиқов ва яна бир неча санъаткорларни таклиф қилган эди. Ўшанда Райҳон машина олмоқчи бўлиб юрган экан. Toyota Land Cruiser Prado автомобилини Дубайдан олиб келишга ёрдамлашганман, шу билан танишиб кетганмиз» — дейди шоумен хонанда билан қандай танишгани ҳақида.