20:17 / 07.03.2021
2 734

Аёл

Аёл
Тун чўкиб ухласа бутун бир борлиқ,
Бир садо келади қадим-қадимдан.
Оймомо, юлдузлар бўлади тортиқ,
Она алла айтса сузиб хордиқда.

Аёл келажакни куйга солади,
Аёл беланчакни қучар меҳрла.
Ҳаётни севдирар, юртни севдирар,
Кўзёшлар тўкилиб айтган қўшиқда.

Унинг алласидан мардлар улғаяр,
Орлар улғаяди, норлар улғаяр.
Зотлар улғаяди, шохлар улғаяр,
Юртга айланади борлари билан.

Сингил бўлиб меҳр беради аёл,
Опа бўлиб сеҳр беради аёл,
Севги бўлиб нурга тўлади аёл,
Она бўлиб дарё бўлади аёл.

Шу юрт тупроғининг гарди ҳам сенсан,
Муҳаббатнинг улуғ шарти ҳам сенсан.
Ватан туғини ҳам, улуғини ҳам
Дунёга келтирган ўзингсан Аёл!

Аёл ардоқланган юртда қадр бор,
Сабр-матонат бор, меҳр бор, нур бор.
Бахту саодат бор, муқаддас сўз бор,
Ҳаётнинг меҳвари ўзингсан Аёл!

Муаллиф - Наргиза Камалова

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » Аёл