23:13 / 10.03.2021
1 140

Қизнинг сочини қирқиб, телефонини олиб қочган талончи қўлга тушди

Қизнинг сочини қирқиб, телефонини олиб қочган талончи қўлга тушди
2021 йил 21 февраль куни соат 03:00 ларда 19 ёшли Амирбек Ғ. ўзганинг мулкини очиқдан-очиқ талон-торож қилиш мақсадида Андижон вилояти Хонобод шаҳри Бунёдкор МФЙ ҳудудида ўзининг таниши 21 ёшли Сайёра Қ.га нисбатан ҳаёти учун хавфли бўлмаган зўрлик ишлатиб, уни таҳқирлаб, ҳақорат қилиб, қайчи билан сочларини қирқиб, нархи 1.350.000 сўмлик уяли телефон аппаратини талончилик йўли билан қўлга киритиб, ҳодиса жойидан яширинган.

Олиб борилган терговга қадар текширув ҳаракатлари давомида, Амирбек Ғ.дан уяли телефон аппарат ашёвий далил тариқасида расмийлаштириб олинган.

Ўзбекистон Республикаси ИИВ ҳузуридаги Тергов департаменти хабарига кўра, мазкур ҳолат юзасидан Хонобод шаҳар ИИБ ҳузуридаги Тергов гуруҳи томонидан Амирбек Ғ.,га нисбатан Ўзбекистон Республикаси Жиноят кодексининг 166-моддаси 1-қисми (Талончилик) билан жиноят иши қўзғатилиб, «қамоққа олиш» тарзидаги эҳтиёт чораси қўлланилган. Ҳозирда тергов давом этмоқда.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Жамият » Қизнинг сочини қирқиб, телефонини олиб қочган талончи қўлга тушди