Товар моддий бойликларини юртимизга божхона назоратини четлаб олиб ўтишга бўлган уринишларга божхона органлари томонидан ўз вақтида чек қўйилмоқда.
Хусусан, Давлат божхона қўмитаси Контрабандага қарши курашиш ва божхона аудити бош бошқармаси ходимлари Фарғона вилояти божхона бошқармаси Контрабандага қарши курашиш ва божхона аудити бўлими ходимлари билан ҳамкорликда Олтиариқ туманида тезкор тадбир ўтказишди.
Тадбир давомида фуқаро К.Р. бошқарувидаги “Hyundai Porter II” русумли юк автотранспорт воситаси Олтиариқ тумани ҳудудида тўхтатилиб, ўрнатилган тартибда кўздан кечирилди. Натижада, мазкур автотранспорт воситасида хорижда ишлаб чиқарилган ҳамда божхона расмийлаштирувидан ўтганлигини тасдиқловчи ҳужжатлари бўлмаган, қиймати 101 миллион сўмлик 2200 дона осма вентилятор товарлари борлиги аниқланди.
Ҳозирда мазкур ҳолат юзасидан божхона органлари томонидан суриштирув ҳаракатлари олиб борилмоқда. “Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
